Ռուուտ Տարմո

Ռուուտ Տարմո; էստ․՝ Ruut Tarmo
Ծնվել է	ապրիլի 26, 1896
Ծննդավայր	Տարտու, Լիֆլանդիայի նահանգ, Ռուսական կայսրություն
Մահացել է	հունվարի 28, 1967 (70 տարեկան)
Մահվան վայր	Տալլին, Էստոնական ԽՍՀ, ԽՍՀՄ
Գերեզման	Անտառային գերեզմանատուն
Քաղաքացիություն	Էստոնիա և Ռուսական կայսրություն
Մասնագիտություն	դերասան և թատերական ռեժիսոր
Աշխատավայր	Վանեմույնե
Ակտիվ շրջան	1912-1966
Ամուսին(ներ)	Mari Möldre?
Պարգևներ և մրցանակներ	Էստոնական ԽՍՀ ժողովրդական արտիստ և Էստոնական ԽՍՀ վաստակավոր արտիստ

The printable version is no longer supported and may have rendering errors. Please update your browser bookmarks and please use the default browser print function instead.

Ռուուտ Տարմո (իսկական անուն-ազգանունը՝ Հարալդ Ռուդոլֆ Կլյայն, էստ․՝ Ruut Tarmo, ապրիլի 26, 1896(1896-04-26), Տարտու, Լիֆլանդիայի նահանգ, Ռուսական կայսրություն - հունվարի 28, 1967(1967-01-28), Տալլին, Էստոնական ԽՍՀ, ԽՍՀՄ^[1]), թատրոնի և կինոյի էստոնացի և խորհրդային դերասան, Էստոնական ԽՍՀ վաստակավոր արտիստ (1959), Էստոնական ԽՍՀ ժողովրդական արտիստ (1966)։

Կենսագրություն

Թատերական կարիերան սկսել է 1912 թվականին հայրենի քաղաքի բեմում։ 1914 թվականին հրավիրվել է Վանեմույնե հեղինակավոր թատրոն, որի հետ հյուրախաղերի է մեկնել աշխարհի տարբեր երկրներ (2 անգամ եղել է Լոնդոնում)։ Ավելի ուշ աշխատել է Էստոնիայի ազգային օպերայում, «Էստոնիա» թատրոնում, 1949 թվականից՝ Տալինի դրամատիկական թատրոնում։

1927 թվականին առաջին անգամ նկարահանվել է կինոյում։ Թեոդոր Լուտսի «Noored kotkad» («Երիտասարդ արծիվներ») ֆիլմում, որը նվիրված էր 1918-1920 թվականներին Էստոնիայի անկախության համար մղվող պատերազմին մասնակցած զինվորներին, խաղացել է համրի դեր։

Էստոնիայի խորհրդայնացումից հետո Ռուուտ Տարմոն բազմաթիվ մշակութային գործիչների և մտավորականների հետ ձերբակալվել է խորհրդային իշխանությունների կողմից և բանտարկվել։

Ազատ արձակվելուց հետո նրան արգելվել է արվեստով զբաղվել։ Ստալինի մահից հետո է միայն այդ արգելքը հանվել և Տարմոն վերադարձել է բեմ։ 1922-1966 թվականներին խաղացել է ավելի քան 215 դեր։

Տարմոն մահացել է 1967 թվականին Տալլինում։ Իր մահից հետո էլ նա մնացել է էստոնական թատրոնի և կինոյի հայտնի դերասան։

Պարգևներ և կոչումներ

Էստոնական ԽՍՀ վաստակավոր արտիստ (1959),
Էստոնական ԽՍՀ ժողովրդական արտիստ (1966)։

Ծանոթագրություններ

↑ «Parve, Ralf R. Nädala juubilar: Ruut Tarmo 110 26 April 2006. Kesknädal». Արխիվացված է օրիգինալից 2014 թ․ դեկտեմբերի 15-ին. Վերցված է 2015 թ․ ապրիլի 2-ին.

Արտաքին հղումներ

Nädala juubilar: Ruut Tarmo 110 Արխիվացված 2014-12-15 Wayback Machine(էստոներեն)

Վիքիպահեստն ունի նյութեր, որոնք վերաբերում են «Ռուուտ Տարմո» հոդվածին։

[ref001-1] «Parve, Ralf R. Nädala juubilar: Ruut Tarmo 110 26 April 2006. Kesknädal». Արխիվացված է օրիգինալից 2014 թ․ դեկտեմբերի 15-ին. Վերցված է 2015 թ․ ապրիլի 2-ին.

[1]