Ռագնար Կլավան

Ռագնար Կլավան անգլ.՝ Ragnar Klavan
Անձնական տվյալներ
Ամբողջական անուն	Ռագնար Կլավան
Քաղաքացիությունը	Էստոնիա
Ծննդյան ամսաթիվ	1985, հոկտեմբերի 30
Ծննդավայր	Վիլյանդի, ԷԽՍՀ
Հասակ	186 սմ
Քաշ	78 կգ
Դիրք	պաշտպան
Ակումբային տեղեկություններ
Ներկա ակումբ	Աուգսբուրգ
Համար	5
Մասնագիտական կարիերա*
Տարի	Ակումբ	Խաղ	(Գոլ)
2001 2002-2003 2003—2004 2004-2005 2005-2009 2009 2009-2012 2012-մինչ հիմա	Էլվա Տուլեվիկ Ֆլորա Վոլերենգա (վարձավճար) Հերակլես ԱԶ (վարձավճար) ԱԶ Աուգսբուրգ	25 (5) 28 (2) 28 (2) 2 (0) 95 (4) 12 (0) 66 (0) 30 (0)
Ազգային հավաքական
2003-մինչ հիմա	Էստոնիա	76(2)
* Մասնագիտական կարիերայում ընդգրկված են միայն առաջնության խաղերը և գոլերը:

Ռագնար Կլավան (էստ․՝ Ragnar Klavan, հոկտեմբերի 30, 1985(1985-10-30), Վիլյանդի, Էստոնական ԽՍՀ, ԽՍՀՄ), էստոնացի ֆուտբոլիստ, պաշտպան։ Գերմանական «Աուգսբուրգ» ակումբի և Էստոնիայի ազգային հավաքականի խաղացող է։ Կլավանի հայրը ևս ֆուտբոլիստ է եղել, հանդես է եկել Էստոնիայի ազգային հավաքականի կազմում 90-ական թթ.։ Կլավանն ունի 2 քույր՝ Ջեյնը և Դիանան։

Ակումբային կարիերա

Կարիերան Էստոնիայում

Կլավանը ֆուտբոլով սկսել է զբաղվել 8 տարեկանից սկսած։ Նրա առաջին պրոֆեսիոնալ ակումբը եղել է Էլվան, որի կազմում նրա մեկնարկային հանդիպումը եղել է, երբ նա 15 տարեկան էր։ 1 տարի անց արդեն միացավ «Տուլեվիկ» ակումբին։ 2 մրցաշրջան անց՝ 2003 թ. տեղափոխվեց լավագույն ակումբներից մեկը՝ «Ֆլորա»։ 18 տարեկանում Կլավանը կարող էր հայտնվել Մոսկվայի Սպարտակի կազմում։

Կարիերան Վոլերենգայում

2004 թ. օգոստոսի 31-ին Կլավանը ստորագրեց պայմանագիր Վոլերենգայի հետ, ըստ որի նա 3 ամիս վարձավճարով պիտի հանդես գար այդ ակումբի կազմում։ Տեղափոխությունը կայացավ 5 հազար եվրոյի դիմաց, սակայն եթե ակումբը ցանկանար ձեռք բերել պաշտպանի իրավունքները, ապա Ֆլորային պիտի վճարեր ևս 500 հազար եվրո։ 3 ամիս անց Վոլերենգան երկարաձգեց վարձավճարային պայմանավորվածությունը մինչև 2005 թ. նոյեմբերի 30-ը։ Վոլերենգայի կազմում նա անցկացրեց ընդամենը 2 հանդիպում։

Կարիերան Հերակլեսում

2005 թ. օգոստոսի 4-ին Կլավանը կնքեց պայմանագիր հոլանդական Հերակլեսի հետ, որը հենց նոր էր սկսել հանդես գալ երկրի բարձրագույն դիվիզիայում։ Այդ պայմանագիրը ստորագրվել էր 3+1 սկզբունքով։ Կնքումից 5 օր անց անցկացրեց իր մեկնարկային հանդիպումը Հերակլեսի կազմում։ Իր առաջին գոլը Հոլանդիայի առաջնությունում կարողացել է խփել 2007 թ. օգոստոսի 24-ին խաղի 76-րդ րոպեին, երբ թիմը մրցում էր Ռոդայի հետ, որի կազմում էլ հանդես էր գալիս իր խաղընկերը ազգային հավաքականում՝ Անդրես Օպերը։ 2007 թ. դեկտեմբերի 29-ին Կլավանը երկարաձգեց պայմանագրի ժամկետը մինչև 2008 թ. հունիսի 30-ը։ Այդ ընթացքում նա հասցրեց դառնալ իր թիմի հիմնական կազմի խաղացողներից մեկը։

2004 թ. նա կարողացավ հայտնվել անգլիական Բոլթոնի ուշադրության կենտրոնում, բայց թիմն ուներ ֆինանսական խնդիրներ։ Կլավանը պայմանագիրը Հերակլեսի հետ երկարաձգեց մինչև 2009 թ.։

Կարիերան ԱԶ-ում

2009 թ. հունվարի վերջում Կլավանը վարձավճարով տեղափոխվեց ԱԶ։ Նրա մեկնարկային հանդիպումը կայացավ փետրվարի 5-ին Ռոդայի հետ խաղում։

Կարիերան Աուգսբուրգում

2012 թ. հուլիսի 2-ին Կլավանը կնքեց պայմանագիր Աուգսբուրգի հետ 2 տարի ժամկետով։

Ազգային հավաքականի կազմում

Էստոնիայի ազգային հավաքականի կազմում Կլավանն իր մեկնարկային հանդիպումն անցկացրել է 2003 թ. հուլիսի 3-ին, երբ թիմը մրցում էր Լիտվայի ազգային հավաքականի հետ։ Ազգային հավաքականի կազմում իր առաջին գոլը հեղինակել է 2006 թ. մայիսի 31-ին, երբ թիմը մրցում էր Նոր Զելանդիայի ազգային հավաքականի հետ։

Վիճակագրություն

Մրցաշրջան	Ակումբ	Երկիր	Խաղեր	Գոլեր
2008/2009	Հերակլես	Հոլանդիա	19	1
2007/2008	Հերակլես	Հոլանդիա	29	2
2006/2007	Հերակլես	Հոլանդիա	32	1
2005/2006	Հերակլես	Հոլանդիա	15	0
2005	Վոլերենգա	Նորվեգիա	0	0
2004	Վոլերենգա	Նորվեգիա	2	0
2004	Ֆլորա	Էստոնիա	16	1
2003	Ֆլորա	Էստոնիա	12	1
2003	Տուլեվիկ	Էստոնիա	10	2
2002	Տուլեվիկ	Էստոնիա	18	0
2001	Էլվա	Էստոնիա	25	5

Նվաճումներ

Ֆլորա

Էստոնիայի չեմպիոն - 2003 թ.

Էստոնիայի գավաթակիր - 2003 թ.

Էստոնիայի սուպերգավաթակիր - 2003 թ.

Վոլերենգա

Նորվեգիայի չեմպիոն - 2005 թ.

ԱԶ

Հոլանդիայի չեմպիոն - 2009 թ.

Արտաքին հղումներ

• Ռագնար Կլավանը www.transfermarkt.co.uk կայքում
• Ռագնար Կլավանը www.national-football-teams.com կայքում
• Ռագնար Կլավանը legioner.kulichki.com կայքում

Վիքիպահեստն ունի նյութեր, որոնք վերաբերում են «Ռագնար Կլավան» հոդվածին։