Ընտանիք (քանդակ, Նյու Յորք)

Անվան այլ կիրառումների համար տե՛ս՝ Ընտանիք (այլ կիրառումներ)

Ընտանիք (քանդակ, Նյու Յորք)
Տեսակ	քանդակ
Քանդակագործ	Chaim Gross?
Ստեղծում	1979
Երկիր	ԱՄՆ
Քաղաք	Նյու Յորք շրջան
Բնակավայր	Նյու Յորք
Շինության ձև	քանդակ
Ներկա վիճակ	Կանգուն

«Ընտանիք» (անգլ.՝ The Family), ամերիկացի արվեստագետ, մանկավարժ Խայեմ Գրոսի (1904-1991) կերտած բրոնզե քանդակը Նյու Յորքում՝ Մանհեթենի Բլիքեր խաղահրապարակում։

Նկարագրություն

Ուեստ 11 և Բլիքեր փողոցների անկյունում գտնվող քանդակը ստեղծվել է 1979 թվականին, տեղադրվել 1992 թվականի մայիսի 27-ին։ Քանդակի ճարտարապետական աշխատանքները կատարել է «Կարահան Շվարթինգ ճարտարապետական ընկերությունը», պատվանդանը ստեղծվել է «Լիթոս» միջազգային կազմակերպության կողմից։

Քանդակը ներկայացնում է հինգ անդամից բաղկացած ընտանիք՝ 2 մեծ և 3 փոքր ֆիգուրներով։ Ըստ Նյու Յորքի Զբոսայգիների և հանգստի վարչության՝ քանդակում կերտված մեծահասակները ձգտում են դեպի վեր՝ իրենց ձեռքերում պահելով երեխաներին՝ ստեղծելով ներդաշնակ ընտանեկան մթնոլորտ։ 7.6 ոտնաչափ բարձրությամբ հուշարձանն ունի 7.6 ոտնաչափ լայնություն։ Կարմրավուն գրանիտե պատվանդանն ունի 6 ոտնաչափ բարձրություն, 4 ոտնաչափ լայնություն, տրամագիծը կազմում է 3 ոտնաչափ։ Պատվանդանի վրա կա մակագրություն.

Ընտանիք, 1979, Խայիմ Գրոս - Նվեր Նյու Յորք քաղաքին, 1991, Էդվարդ I Կոչ, քաղաքապետ, 1978–1989:

Ընտանիքին նվիրված քանդակներ կան նաև աշխարհի տարբեր քաղաքներում։

Տես նաև

• Մայրություն (քանդակ, Երևան)