Չիլեհաուս

**Համաշխարհային ժառանգություն**
	Չիլեհաուս
Chilehaus*
ՅՈՒՆԵՍԿՕ-ի համաշխարհային ժառանգություն
Երկիր	Գերմանիա
Տիպ	Գրասենյակային շենք
Չափանիշներ	i, iii, iv
Ցանկ	ՅՈՒՆԵՍԿՕ֊ի ցանկ
Աշխարհամաս**	Եվրոպա
	Ընդգրկման պատմություն
Ընդգրկում	2015 (անհայտ նստաշրջան)
Համար	1467
	* Անվանումը պաշտոնական անգլերեն ցանկում; ** Երկրամասը ըստ ՅՈՒՆԵՍԿՕ-ի դասակարգման
	Համաշխարհային ժառանգություն

Չիլեհաուս (գերմ.՝ Chilehaus), տաս հարկանի գրասենյակային շենք Գերմանիայում։ Տեղակայված է Համբուրգ քաղաքում։ Դա 1920-ական թվականների ճարտարապետական բացառիկ շինություն է։ Այս մեծ անկյունային շենքը ձգվում է մոտավորապես 6000 քառակուսի մետր և ձգվում Համբուրգի Ֆիշետվիտե փողոցով։ Այն նախագծվել է գերմանացի ճարտարապետ Ֆրից Հյոգերի (Fritz Höger) կողմից և ավարտին է հասցվել 1924 թվականին։

Ձևավորում

Չիլեհաուսը հայտնի է իր գագաթով, որը հիշեցնում է նավի առաջնամաս, իսկ ճակատամասները, որոնք տեղակայված են Պումպեն և Նիդերնստրասսե փողոցներում, իրար միանում են շատ սուր անկյունով։ Շենքի լավագույն կողմը տեսանելի է արևելքից։ Ընդգծված ուղղահայաց տարրերի և վերին շերտերի, ինչպես նաև Պումեն փողոցի վրա գտնվող ճակատամասի պատճառով, շինությունն ունի հսկայական ծավալ, բայց թողնում է թեթևության տպավորություն։

Շենքն ունի երկաթբետոնե կառուցվածք և կառուցվել է 4,8 մլն մուգ Օլդենբուրգյան աղյուսներով^[1]։ Շենքը հիմնադրվել է շատ բարդ տեղանքում, այսպիսով, որպեսզի կայունություն ձեռք բերվեր, հարկավոր էր կառուցել այն 16 մետրանոց երկաթբետոնե բլոկների վրա։

Քանի որ շինությունը կառուցված է Էլբա գետի մոտակայքում, անհրաժեշտություն առաջացավ կառուցելու հատուկ նկուղ և ջերմացնող սարքավորում տեղադրվեց կեսսոնում։

Սանդուղքներում և ճակատում քանդակի տարրերը քանդակագործ Ռիչարդ Կոուհլի աշխատանքներն են: Շենքն ունի մի քանի աշխատող, անդադար աշխատող վերելակներ։

Պատմություն

Չիլեհաուսի շենքը նախագծվել է ճարտարապետ Ֆրիթ Հոգերի կողմից և կառուցվել է 1922-1924 թվականներն ընկած ժամանակահատվածում։ Շինարարության արժեքը դժվար է որոշել, քանի որ Չիլե Հաուսը կառուցվել է 1920-ականների սկզբին, գերմանական հիպերինֆլացիայի ժամանակաշրջանում, սակայն գնահատվում էր ավելի քան 10 միլիոն ռեյսխմարկ: