Jump to content

Քարշ տուր ինձ դժոխք

Վիքիպեդիայից՝ ազատ հանրագիտարանից
Քարշ տուր ինձ դժոխք
անգլ.՝ Drag Me to Hell
Պատկեր:Դժողք.jpeg
Երկիր ԱՄՆ
Ժանրսարսափ ժանրի կատակերգություն և ֆիլմ ուրվականների մասին
Թեմագերբնական, անեծք[1] և careerism?[1]
Թվական2009, հունիսի 11, 2009[2] և օգոստոսի 13, 2009[3]
Լեզուանգլերեն
ՌեժիսորՍեմ Ռեյմի[4][5][6][…]
ՊրոդյուսերՌոբ Թափերթ, Սեմ Ռեյմի[7] և Գրանտ Քերթիս[7]
Սցենարի հեղինակԱյվան Ռեյմի և Սեմ Ռեյմի
ԴերակատարներԷլիսոն Լոհման[5][6][8][…], Ջասթին Լոնգ[5][8][9][…], Lorna Raver?[5][8][10][…], Դիլիփ Ռաո[11][12], Դևիդ Փայմեր[5][8][11][…], Ադրիանա Բարասա[11][12], Ռեգգի Լի[11][12], Բոյանա Նովակովիչ[12], Օկտավիա Սպենսեր[12], Չելսի Ռոս[11][12], Kevin Foster?[12], Մոլլի Չիկ[12], Թեդ Ռեյմի[13], Ալեքս Վեադով[13], Քրիստոֆեր Յանգ[13], Alexis Cruz?[13], Chloe Dykstra?[13] և Սեմ Ռեյմի
ՕպերատորՓիթեր Դեմինգ
ԵրաժշտությունՔրիստոֆեր Յանգ
ՄոնտաժԲոբ Մուրավսկի
Պատմվածքի վայրԼոս Անջելես
ԿինոընկերությունUniversal Studios[10] և Ghost House Pictures
Տևողություն99 րոպե
Բյուջե$ 30 000 000[14]
Շահույթ$ 91 000 000[14]
Պաշտոնական կայքէջ

«Քարշ տուր ինձ դժոխք» (անգլ.՝ Drag Me to Hell), սարսափ ֆիլմ, որի ռեժիսորը Սեմ Ռեյմին է: Նա նաև ֆիլմի սցենարի հեղինակն է իր եղբոր՝ Այվան Ռեյմիի հետ միասին: Գլխավոր դերերում Էլիսոն Լոմանը և Ջասթին Լոնգն են:

Ունենալով $ 90,8 մլն շահույթ ամբողջ աշխարհում և ստանալով բարձր գնահատականներ կինոքննադատների կողմից՝ ֆիլմը արժանացել է «Scream» մրցանակի 2009 թվականին և «Սատուրն»-ի՝ 2010 թվականին, «լավագույն սարսափ ֆիլմ» կատերգորիայում:

Սյուժե

1969 թվական, Փասադենա, Կալիֆոռնիա. երիտասարդ զույգը, ում որդին լսում է դևերի ձայներ, օգնություն է խնդրում մեդիում Շոն Սան Դինայից: Սան Դինան իրականացնում է ծես, որի ժամանակ անհայտ ուժերը տղային տանում են մի հրե փոսի մեջ:

2009 թվական, Լոս Անջելես. Քրիստին Բրաունը, ով աշխատում է բանկում որպես վարկային գործերի աշխատակից, հույս ունի ստանալ մենեջերի օգնականի տեղը, և իր մրցակիցը նորեկ Ստյու Ռուբինն է: Իրենց բոսը՝ Ջիմ Ջեքսը, Քրիստինին խորհուրդ է տալիս ավելի խիստ որոշումներ կայացնել, որպեսզի պաշտոնի բարձրացում ստանա: Քրիստինայի մոտ գալիս է ծեր գնչուհի՝ Սիլվիա Գանուշը, և խնդրում է հետաձգել տան գրավի մուծման ժամանակը: Քրիստինը խորհրդակցում է բոսի հետ և նա իրեն է հնարավորություն տալիս ընդունել որոշումը: Հուսալով պաշտոնի բարձրացման՝ Քրիստինը մերժում է գնչուհու խնդրանքը: Գնչուհին ծնկի է իջնում, համբուրում Քրիստինի կիսաշրջազգեստի փեշը և աղաչում փոխել որոշումը: Այդ ժամանակ այդտեղ հավաքվում են մարդիկ, և Քրիստինը դեմոնստրատիվ կերպով մերժում է Սիլվիային: Քրիստինը փորձում է ներողություն խնդրել նրանից, բայց գնչուհին հանկարծակի հարձակվում է նրա վրա, սակայն պաշտպանության աշխատակիցներն օգնում են Քրիստինին և դուրս հանում գնչուհուն:

Բանկի ավտոկայանատեղիում Քրիստինի վրա կրկին հարձակվում է Սիլվիան: Դաժան կռվից հետո գնչուհին Քրիստինի վերարկուից պոկում է կոճակ և անիծում է այն: Ավելի ուշ Քրիստինն իր ընկերոջ՝ Քլեյ Դալթոնի հետ գնում է մեդիում Ռամ Ջաշի մոտ և իմանում է, որ իրեն անիծել են: Գիշերը Քրիստինի բերանի մեջ ճանճ է մտնում: Այդ գիշեր Քրիստինը մղձավանջ է տեսնում, որում մահացած գնչուհին իրեն ծածկում է իր բերանից դուրս եկող գերեզմանային ճիճուներով:

Աշխատավայրում Քրիստինի մոտ սկսվում է արնահոսություն քթից, այնուհետև արյունն ուժեղ հոսում է բերանից և ցայտում է բոսի վրա: Այս իրարանցման ժամանակ Ստյուն գողանում է Քրիստինի փաստաթղթերը սեղանից և վաճառում է դրանք մրցակից բանկին՝ դրանով դավ նյութելով Քրիստինի դեմ և ստանալով պաշտոնի բարձրացում: Վախեցած Քրիստինը գնում է Սիլվիայի թոռնուհու տուն, ցանկանում է վերանայել նրա խնդրանքը, սակայն իմանում է, որ Սիլվիան մահացել է նախորդ գիշերը:

Քրիստինը վերադառնում է Ջաշի մոտ, ով ասում է, որ 3 օր իրեն կտանջի զորեղ դև Լամիան, ինչի արդյունքում Քրիստինը հավերժ կհայտնվի դժոխքում: Մեդիումը խորհուրդ է տալիս Քրիստինին որևէ կենդանու զոհաբերել դևի համար: Քրիստինը զոհաբերում է իր կատվին և թաղում նրան բակում: Դալթոնի ընտանիքի հետ ընթրիքի ժամանակ Քրիստինին շարունակում է տանջել Լամիան, և նա իրեն տարօրինակ է պահում:

Քրիստինը վերադառնում է մեդիումի մոտ, ով հայտնում է իրեն, որ մեդիում Սան Դինան կհամաձայնվի օգնել 10 հազար դոլար տալու պայմանով: Աղջիկը հավաքում է իր իրերը և վաճառում, բայց դեռ պակասում է 7 հազար դոլար: Երեկոյան նա իմանում է, որ Քլեյը վճարել է իր փոխարեն: Այնուհետև Քրիստինը գալիս է սեանսի, Սան Դինան ցանկանում է իր միջոցով դևին տեղափոխել այծի մեջ, որին կսպանի մեդիումը: Սակայն աշակերտի մոտ չի հաջողվում սպանել այծին, և դևը մտնում է տղայի մեջ, ով սկսում է ոչնչացնել ամեն ինչ, ինչ տեսնում է: Վերջին պահին Սան Դինան գիտակցության է գալիս և իր կյանքի գնով քշում է դևին: Ջաշը ասում է Քրիստինային, որ նրան մի հնարավորություն է մնացել՝ մինչ լուսաբաց անիծված կոճակը նվիրել որևէ մեկին:

Քրիստինը և Քլեյը տուն են գնում, ճանապարհին հանկարծակի հայտնվում է Սիլվիայի ուրվականը: Քրիստինը գնում է բար և որոշում է, թե ում նվիրել կոճակը: Նա զանգում է և կանչում Ստյուին: Քրիստինը պատրաստվում էր նվիրել կոճակը նրան, սակայն այն բանից հետո, երբ նա լաց է լինում, Քրիստինը խղճում է Ստյուին և հետ ուղարկում նրան: Հերոսուհին գալիս է Ջաշի մոտ և իմանում, որ կոճակը կարող է մեռածի նվիրել: Նա արագ գնում է գերեզմանոց և քանդում է Սիլվիայի գերեզմանը, ապա մտնցում է կոճակով ծրարը նրա բերանը: Այդ ժամանակ տեղատարափ անձրև է սկսվում, որը ջրով է ծածկում գերեզմանը, և Քրիստինը չի կարողանում դուրս գալ այնտեղից: Ջրի մակերես է բարձրանում Սիլվիայի դիակը, որը կարծես փորձում է խանգարել աղջկան, հետո նրա գլխին է ընկնում հարևան գերեզմանի խաչը, սակայն վերջին պահին Քրիստինին հաջողվում է դուրս պրծնել և գնալ:

Առավոտյան Քրիստինը հանդիպում է Քլեյի հետ Լոս Անջելեսի երկաթուղային կայարանում, որտեղից նա պատրաստվում է գնալ Սանտա Բարբարա: Գնացքին սպասելուց Քլեյն ասում է Քրիստինին, որ գտել է իր կոճակը, և ցանկանում է, որ նա այն կարի: Քրիստինը հասկանում է, որ խառնել է ծրարները: Պարզվում է, որ նա Սիլվիայի բերանն է մտցրել կոպեկով ծրարը: Սարսափի մեջ ընկնելով նա հետ է գնում և ընկնում երկաթուղային գծի վրա: Մոտենում է գնացքը, և վախեցած Քլեյը մեկնում է ձեռքը Քրիստինին, սակայն մինչ գնացքը մոտենում է, առաջանում է հրե փոս, որից դուրս են գալիս ձեռքեր, որոնք նրան դժոխք են տանում առհավետ:

Դերերում

Մրցանակներ

  • «Սատուրն» մրցանակ (2010) «Լավագույն սարսափ ֆիլմ» անվանակարգում:

Ծանոթագրություններ

  1. ↑ 1,0 1,1 Drag Me to Hell — 2009.
  2. ↑ Internet Movie Database — 1990.
  3. ↑ http://nmhh.hu/dokumentum/158984/2009_filmbemutatok_osszes.xls
  4. ↑ http://www.imdb.com/title/tt1127180/
  5. ↑ 5,0 5,1 5,2 5,3 5,4 http://www.beyazperde.com/filmler/film-133358/
  6. ↑ 6,0 6,1 http://www.the-numbers.com/movie/Drag-Me-To-Hell#tab=video-sales
  7. ↑ 7,0 7,1 http://www.sinemalar.com/film/20308/kara-buyu
  8. ↑ 8,0 8,1 8,2 8,3 http://www.allocine.fr/film/fichefilm_gen_cfilm=133358.html
  9. ↑ http://www.metacritic.com/movie/drag-me-to-hell
  10. ↑ 10,0 10,1 http://stopklatka.pl/film/wrota-do-piekiel
  11. ↑ 11,0 11,1 11,2 11,3 11,4 http://bbfc.co.uk/releases/drag-me-hell-2009-0
  12. ↑ 12,0 12,1 12,2 12,3 12,4 12,5 12,6 12,7 http://www.imdb.com/title/tt1127180/fullcredits
  13. ↑ 13,0 13,1 13,2 13,3 13,4 ČSFD (չեխերեն) — 2001.
  14. ↑ 14,0 14,1 Drag Me to Hell (2009) - Box Office Mojo
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Քարշ_տուր_ինձ_դժոխք&oldid=5773579» էջից