Տիգրան Գասապյան (բժիշկ)
Անվան այլ կիրառումների համար տե՛ս՝ Տիգրան Գասապյան (այլ կիրառումներ)- Վիքիպեդիայում կան հոդվածներ Գասապյան ազգանունով այլ մարդկանց մասին։
Տիգրան Պետրոսի Գասապյան (մոտ 1883, Կընջըլար գյուղ - 1915), հայ բժիշկ, բանաստեղծ։
 | |
|---|---|
| Ծնվել է | 1883 |
| Ծննդավայր | Կընջըլար |
| Մահացել է | 1915 |
| Ազգություն | հայ |
| Կրթություն | Կ. Պոլսի Օսմանյան կայսերական բժշկական վարժարան |
| Մասնագիտություն | բժիշկ բանաստեղծ |
| Ամուսին | բժշկուհի Օֆելյա |
Կենսագրություն
խմբագրելՏիգրան Գասապյանը ծնվել է հավանաբար 1883 թվականին, Բրուսայի նահանգի Նիկոմիդիայի գավառակի Գեյվեի շրջանի Կընջըլար գյուղում։
Նախնական կրթությունն ստացել է ծննդավայրի ազգային վարժարանում։ 1908 թվականին ավարտել է Կ. Պոլսի Օսմանյան կայսերական բժշկական վարժարանը։
1908-1914 թվականներին Տիգրանակերտի կենտրոնական հիվանդանոցի բժիշկ է աշխատել։ Եղել է բանաստեղծ և գրել գողտրիկ ոտանավորներ։ Հոդվածներով թղթակցել է հայկական թերթերին և հանդեսներին։
1914 թվականին Առաջին համաշխարհային պատերազմն սկսելուց հետո զորակոչվել է օսմանյան բանակ, ուղարկվել Գալիցիայի ռազմաճակատ և ծառայել 11-րդ զորագնդի 2-րդ վաշտի զինվորական բժիշկ։
1915 թվականին սեպտեմբերի 3-ին կամ դեկտեմբերի 27-ին, Գալիցիայի ռազմաճակատում զոհվել է կամ Տիգրանակերտում մահացել է ժանտախտից՝ մոտ 32 տարեկանում։
Հետագայում նրա այրին՝ բժշկուհի Օֆելյան, իր երկու դուստրերով բնակություն է հաստատել Լոս Անջելեսում։
Գրականություն
խմբագրել- Հայ բժշկութեան տուած զոհերը, ցուցակագրուած վաւերական փաստերով, Կ. Պոլիս, 1919։
- Պոտուրեան Մկրտիչ, Հայ հանրագիտակ, Պուքրէշ, 1940։
- Կարոյեա ն Գասպար, Մեծ Եղեռնի նահատակ հայ բժիշկները (անոնց պատգամները), Պոսթոն, 1957։
Աղբյուրներ
խմբագրել- Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։