Էրքութ Աքբայի սպանություն
Էրքութ Աքբայի սպանություն, Պորտուգալիայի մայրաքաղաք Լիսաբոնում Թուրքիայի վարչական կցորդ, 40-ամյա Էրքութ Աքբայի սպանությունը, որը տեղի է ունեցել 1982 թվականի հունիսի 7-ին։ Սպանության պահին Աքբայն աշխատում էր Լիսաբոնի թուրքական դեսպանությունում։ Աքբայն սպանվել է Լիսաբոնի ծայրամասում գտնվող իր տան մոտ, երբ կեսօրյա ճաշի նպատակով վերադառնում էր տուն։ Սպանվել է մեքենայի մեջ։ Նրա կինը՝ 30-ամյա Նադիդե Աքբայը ևս վիրավորում է ստացել գլխի շրջանում, քանի որ գտնվում էր նույն մեքենայի մեջ՝ Էրքութ Աքբայի հետևում[1]։ Էրքութ Աքբայը մահացել է տեղում, իսկ նրա կնոջը կոմայի մեջ տեղափոխել են հիվանդանոց ու վիրահատության ենթարկել։ Մահացել է 8 ամիս անց՝ 1983 թվականի հունվարի 11-ին Անկարայի հիվանդանոցներից մեկում՝ այդպես էլ դուրս չգալով կոմայից[2]։
![](http://upload.wikimedia.org/wikipedia/hy/thumb/c/c5/%D4%B7%D6%80%D6%84%D5%B8%D6%82%D5%A9_%D4%B1%D6%84%D5%A2%D5%A1%D5%B5.jpeg/200px-%D4%B7%D6%80%D6%84%D5%B8%D6%82%D5%A9_%D4%B1%D6%84%D5%A2%D5%A1%D5%B5.jpeg)
Հարձակման պատասխանատվությունն ստանձնել է «Հայկական ցեղասպանության արդարության մարտիկներ» կազմակերպությունը[1]։
Նադիդե Աքբայը ևս աշխատելիս է եղել թուրքական դեսպանությունում։ Զույգն ամուսնացել էր 1970 թվականին։ Հարձակումից հետո նրանց երեխաները՝ 11-ամյա Իլքերը և 5-ամյա Սաադեթը տեղափոխվել են դեսպանության շենք, իսկ ավելի ուշ բարեկամները նրանց տարել են Թուրքիա։ Հաջորդ օրը Աքբայի դին տեղափոխվել է Անկարա: Թաղվել է Ջեբեջի Ասրի գերեզմանատանը։ Ավելի ուշ, Նադիդե Աքբայը ևս թաղվել է այդ գերեզմանատանը։
Պորտուգալական ոստիկանությունը սպանության մեջ կասկածել է Լիբանանից հայազգի 4 մարտիկների, սակայն նրանք այդպես էլ չեն հայտնաբերվել։