Tursunzoda
| swójske mjeno | Турсунзода | |
| ||
| Zakładne daty | ||
|---|---|---|
| stat |  Tadźikistan
| |
| wobydlerstwo | 53.100 (2018) | |
| póstowe čisło | 735000 | |
| předwólba | (+) 3130 | |
| awtowa značka | 07 TJ | |
Tursunzoda (tadźikisce Турсунзода; rusce Турсунзаде/ Tursunzade; do 1978 – Регар/ Regar) je město na zapadźe Tadźikistana, blisko uzbekskeje hranicy. Je zarjadniske sydło Tursunzodskeho wobwoda a ma něhdźe 53 tysac wobydlerjow, kiž su zwjetša Uzbekojo.[1]
Geografija
[wobdźěłać | žórłowy tekst wobdźěłać]Leži w płódnej Chisorskej dolinje něhdźe 50 kilometrow zapadnje wot stolicy Dušanbe při derje wutwarjenej dróze M41 a železniskej čarje, zwjazowacej Dušanbe z wukrajom. Blisko města nadeńdźe so jedyn z jenož třoch hraničnych přechodow mjez Tadźikistanom a Uzbekistanom.
Stawizny
[wobdźěłać | žórłowy tekst wobdźěłać]Sydlišćo je so w 14. lětstotku prěni raz naspomniło a bě hač do druheje swětoweje wójny mała wjes, přez kotruž wjedźeše wot lěta 1929 železnica Dušanbe–Moskwa. W lěće 1954 dósta měšćanske prawa. Dósta w lěće 1978 mjeno tadźikiskeho basnika-politikarja Mirzo Tursunzody.
Hospodarstwo
[wobdźěłać | žórłowy tekst wobdźěłać]Tursunzoda je wot lěta 1975 stejišćo wulkeho aluminijoweho zawoda, kotryž je dźensa we wobsydstwje Tajikistan Aluminium Company (TALCO). Fabrika je najwjetši industrijowy zawod Tadźikistana a zamołwita za 60 procentow tadźikiskeho eksporta a 20 procentow bruttoweho nutřkokrajneho produkta (BIP), při čimž přetrjebuje přerěznje 40 procentow tadźikiskeje miliny.
Nóžki
[wobdźěłać | žórłowy tekst wobdźěłać]Wotkaz
[wobdźěłać | žórłowy tekst wobdźěłać]
Commons: Tursunzoda – Zběrka wobrazow, widejow a awdiodatajow