Apollo Musin-Puškin
![](http://upload.wikimedia.org/wikipedia/commons/thumb/a/a9/RusPortraits_v2-193_Le_Comte_Apollos_Apollosowitch_Moussine-Pouchkine.png/220px-RusPortraits_v2-193_Le_Comte_Apollos_Apollosowitch_Moussine-Pouchkine.png)
Hrabja Apollo Apollowič Musin-Puškin (rusce Аполло́с Аполло́сович Му́син-Пу́шкин; * 17. februara 1760 w Tobolsku (Ruska); † 18. apryla 1805 w Tiflisu (Georgiska)) běše ruski chemikar, fyzikar, botanikar a mineraloga.
Wot lěta 1799 do 1805 nawjedowaše wón wědomostnu wuprawu do Transkawkaskeje a Kawkaza, kotraž měješe ruskemu carej Pawołej I. a pozdźišo Aleksandrej I. přehlad wo kónčinje tworić, kotruž Ruska w lěće 1801 zdźěla anektowaše. Po nim pomjenuje so rostlina Puschkinia scilloides ze swójby hromakowych rostlinow, kotruž w Kawkazu wuslědźi, hdźež wona přewažnje na hórskich łukach rosće. Na ekspediciji wobdźěleštaj so mjez 1800 a 1802 tež němsko-ruski botanikar Michael Friedrich Adams (1780–1838) a wot lěta 1802 do 1804 serbski krajinowy rysowar Hendrich Božidar Wjela jako kartograf.