Zanzíbar

Zanzíbar
	(sw) Jamhuri ya Watu wa Zanzibar; (en) People's Republic of Zanzibar; (ar) زنجبار
Tipo	estado federado; división administrativa
Obra	Civilization V
Localización
Continente	África
División administrativa	Tanzania
	5°54′S 39°18′L / -5.9, 39.3
Características
Superficie	2.461 km²
Historia
Data de creación ou fundación	26 de abril de 1964

Zanzíbar é un conxunto de dúas illas, Zanzíbar propia (1.554 km² e 800.000 habitantes) e Pemba, a principal cidade e centro económico é Mji Mkongwe na illa de Zanzíbar. Zanzíbar é un territorio autónomo de Tanzania.

Historia

En Zanzíbar asentáronse inmigrantes persas procedentes de Shiraz, e probablemente o nome de proceda do farsi زنگبار Zangi-bar (Costa dos negros). Entre 1503 e 1698 os portugueses controlaron o territorio.
En 1698 pasou a soberanía do sultán de Omán, en 1861 Omán e Zanzíbar divíronse en dous principados independentes. Sayyid Majid bin Said Al-Busaid (1834/5-1870) converteuse no primeiro sultán de Zanzíbar. O Reino Unido gradualmente foi aumentando a súa influencia sobre Zanzíbar, e en 1890 no Tratado de Helgoland-Zanzíbar os alemáns comprometéronse a non interferir nela, e Zanzíbar converteuse nun protectorado británico. En 1896 o sultán Hamoud bin Mohammed prohibiu a escravitude e a trata de escravos, do que Zanzíbar era un dos principais centros dende a época dos omanís.
O 19 de decembro de 1963 Zanzíbar obtivo a súa independencia como monarquía constitucional, pero o 26 de abril de 1964 logo do derrocamento do sultán, Zanzíbar uniuse con Tanganika para formar o novo estado de Tanzania.

Véxase tamén

Ligazóns externas

Web do goberno de Zanzíbar (en inglés e suahili) Arquivado 15 de xaneiro de 2008 en Wayback Machine.