Xacobe I de Escocia

Xacobe I de Escocia

Nome orixinal	(en) James I of Scotland
Biografía
Nacemento	25 de xullo de 1394 Palácio de Dunfermline, Reino Unido (pt)
Morte	21 de febreiro de 1437 (42 anos) Blackfriars, Perth, Reino Unido (en)
Causa da morte	homicidio, ferida de arma branca
Lugar de sepultura	Perth Charterhouse (en)
Monarca de Escocia
4 de abril de 1406 – 21 de febreiro de 1437 ← Roberto III de Escocia – Xacobe II de Escocia →
Datos persoais
Relixión	Cristianismo
Actividade
Ocupación	poeta, escritor, aristócrata
Outro
Título	Duque
Familia	Casa de Estuardo
Cónxuxe	Joana Beaufort, rainha da Escócia
Fillos	Mary Stewart, Countess of Buchan, Margarida Stuart, Isabel da Escócia, Joan Stewart, Countess of Morton, Annabella of Scotland, Alexandre Stuart, Duque de Rothesay, Xacobe II de Escocia, Leonor da Escócia
Pais	Roberto III de Escocia   e Anabela Drummond
Irmáns	Margarida Stuart Davi Stuart, Duque de Rothesay
Descrito pola fonte	Dictionary of National Biography, 1885–1900 (en) Dicionario Enciclopédico Brockhaus e Efron The Nuttall Encyclopædia >>>:James I.

Xacobe I de Escocia (en inglés: James). Nado en Dunfermline o 25 de xullo de 1394 e finado en Perth o 21 de febreiro de 1437. Rei de Escocia entre 1406 e 1437.

Traxectoria

Xacobe foi fillo de Roberto III e Anabella Drummond. Tivo unha infancia axitada. En 1402 o seu irmán máis vello, David, morreu de fame na prisión de Falkland en Fife. Antes da morte do seu pai (Roberto III), en 1406, Xacobe foi enviado a Francia para a súa seguridade.

Prisioneiro dos ingleses

No camiño, os ingleses capturárono e foi levado ante Henrique IV de Inglaterra quen o fixo o seu prisioneiro e pediu un rescate. O imán do rei escocés Roberto Estuardo asegurou a liberación do seu fillo, Murdoch, quen foi capturado ao mesmo tempo que Xacobe, mais non a deste. Durante 18 anos, Xacobe foi prisioneiro e educado no castelo Windsor e en varios poboados preto de Londres.

Durante o cativerio Xacobe escribiu The Kingis Quair, unha das mellores obras temperás da literatura escocesa.

Liberación e matrimonio

Tras a morte do seu tío en 1420, o rescate de £40,000 foi finalmente pagado, e en 1424 Xacobe regresou a Escocia para atopar un país en caos. Levou a súa esposa con el -casara con Xuana Beaufort mentres era prisioneiro en Londres o 2 de febreiro de 1423. Tiveron oito fillos:

• Margarida Estuardo (¿? - 1445), esposa de Lois XI de Francia.
• Xacobe Estuardo (1430 - 1460).
• Alexandre Estuardo (1430 - ¿?), Duque de Rothesay. Xemelgo de Xacobe.
• Isabel Estuardo (¿? - 1499), esposa de Francisco I da Bretaña (¿? - 1450).
• Leonor Estuardo (¿? - 1480), esposa do Príncipe Sexismundo de Austria, Conde do Tirol e Duque de "Austria Anterior".
• Marie
• Jeanne
• Annabella

Rei de Escocia

Xacobe foi formalemente coroado Rei de Escocia na abadía de Scone, Pertshire, o 2 (ou 21) de maio de 1424. Inmediatamente tomou fortes accións para rexenerar a autoridade e o control. Unha de tales acciones foi a execución da familia Albany, quen opuxerase as súas accións. A execución de Murdoch, e dous dos seus fillos tiveron lugar o 24 de maio de 1425, no castelo Hill, Stirling.

Reinou con man dura sobre o país e logrou numerosas reformas financeiras e legais.

As súas accións en todas partes do seu reinado, aínda que eficaces, molestaron a moitas persoas. Durante os anos posteriores do seu reinado, os seus opositores traballaron para derrocalo.

Foi asasinado en Perth, no marco dunha conspiración nobiliaria.

Predecesor: Roberto III

Rei de Escocia 1406 - 1437

Sucesor: Xacobe II