Tensión superficial
![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2017.) |
![](http://upload.wikimedia.org/wikipedia/commons/thumb/9/9c/2006-01-15_coin_on_water.jpg/200px-2006-01-15_coin_on_water.jpg)
![](http://upload.wikimedia.org/wikipedia/commons/thumb/f/f9/Wassermolek%C3%BCleInTr%C3%B6pfchen.svg/220px-Wassermolek%C3%BCleInTr%C3%B6pfchen.svg.png)
Na física, a tensión superficial é un efecto que ocorre na zona superficial dun líquido que leva a súa superficie a se comportar como unha membrana elástica.
Este efecto permite que insectos camiñen sobre a auga e que pequenos obxectos como agullas ou láminas floten na superficie dun líquido.
Curvatura superficial e presión
[editar | editar a fonte]As forzas de cohesión entre as moléculas dos líquidos son responsables do fenómeno da tensión superficial. No interior da masa dun líquido, cada molécula é atraída de forma igual en todas as direccións polas moléculas veciñas, de modo que a forza resultante é cero. Polo contrario, as moléculas da superficie non teñen outras moléculas do líquido por encima delas e, por tanto, son atraídas cara ao interior do líquido. Isto crea certa presión interna e forzas na superficie do líquido que crean a tensión superficial e fan que a superficie do líquido se contraia para ter unha área mínima.
Se ningunha forza actúa na dirección dunha superficie, esta é plana. Na superficie de separación entre dous medios, se a presión nos medios é diferente, isto fai que se exerza unha forza normal á superficie de separación que tende a curvala.
A tensión superficial está relacionada coa diferenza de presión entre os dous lados dunha interface pola ecuación de Laplace:
onde:
- ΔP é a diferenza de presións.
- γ é a tensión superficial.
- Rx e Ry son os raios de curvatura da interface nas dirección x e y.
A solucións desta ecuación determinan a forma das gotas de auga, burbullas, meniscos e moitas outras.
Galería de imaxes
[editar | editar a fonte]-
Pompas de xabón
-
diagrama da tensión superficial nun elemento diferencial
![]() |
Commons ten máis contidos multimedia sobre: Tensión superficial |