Puglia

Puglia
	Bandeira
Epónimo	Apulia (en)
Localización
	41°00′31″N 16°30′46″L / 41.0086, 16.5128
País	Italia
Capital	Bari
Contén a división administrativa	Cidade Municipal de Bari (pt) (2015–); Provincia de Bari (–2014); Provincia de Barletta-Andria-Trani ; Provincia de Brindisi ; Provincia de Foggia ; Provincia de Lecce ; Provincia de Matera ; Provincia de Taranto
Poboación
Poboación	4.029.053 (2019) (208,05 hab./km²)
Xeografía
Parte de	Mezzogiorno
Superficie	19.365,8 km²
Comparte fronteira con	Molise (pt) ; Basilicata ; Campania ; Molise
Santo padrón	Nicolao de Mira
Organización política
Órgano executivo	Government of Apulia (en)
• President of Apulia (en)	Michele Emiliano (2015–)
Órgano lexislativo	Regional Council of Apulia (en) Circunscrición: 6, (Escano: 51)
Identificador descritivo
Fuso horario	UTC+01:00, horario estándar; UTC+02:00, horario de verán
ISO 3166-2	IT-75
Código NUTS	ITF4
Identificador ISTAT	16
Sitio web	regione.puglia.it

Puglia (en fala barese e fala foggiano: Púgghie; en fala salentina: Puia; en franco-provenzal: Poulye; en latín: Apulia) é unha rexión da Italia meridional. Conta con 4.069.869 habitantes e ten a capital na cidade de Bari. Limita ao norte con Molise, ao oeste coa Campania e a Basilicata, ao sur co Mar Xónico e ao norte e leste co Mar Adriático. Comprende as provincias de Bari, Barletta-Andria-Trani, Brindisi, Lecce, Foggia e Tarento. Corresponderíase co tacón da analoxía popular entre a forma de bota e a forma xeográfica de Italia, quere dicir, está no extremo sueste da Península Itálica. Ten unha extensión de 19.358 km², e a capital é Bari.

Xeografía

A Puglia é a rexión máis oriental de Italia. Punta Palascia (en Otranto, no Salento), dista preto de 80 km das costas de Albania e constitúe o punto máis oriental de Italia. O seu territorio é chairo no 53,3%, ten outeiros no 45,3% e montañoso só no 1,5%. Está bañada polo Mar Adriático e o Mar Xónico.

Puglia é unha rexión moi árida. Os principais ríos son o río Fortore, o río Candelaro, o río Cervaro e o río Ofanto. Os seus poucos ríos son torrenciais e no Tavoliere. No resto de lugares, a auga da choiva fíltrase polo leito de calcaria para formar cursos subterráneos de auga que afloran preto da costa. A auga subterránea é polo tanto abondo, e hai moitas covas.

O clima en Puglia é mediterráneo, agás en Tavoliere, onde reviste caracteres de continental. A paisaxe está cuberta de garrigas ou maquias debido a un clima bastante seco provocado polos cálidos ventos procedentes do norte de África e do Levante (tramontana), así como dos fríos e tamén desecantes ventos do nordeste (bóreas). O único lago potable, de onde sae o acueduto pugliese, é o Lago de Occhito situado no lindeiro con Molise (esta escaseza de auga fan habituais as crises hídricas).

División administrativa

A rexión da Puglia subdivídese nas seguintes provincias:

**Mapa das provincias da Puglia**
Bari Barletta-Andria-Trani, instituída en 2004 e efectiva a partir de 2008 Brindisi Foggia Lecce Tarento