Provincias das Illas Salomón
As Provincias das Illas Salomón actuais son nove, e constitúen a división territorial das Illas Salomón. A capital do país, Honiara, na illa de Guadalcanal, non se inclúe dentro de ningunha provincia.
Historia
[editar | editar a fonte]Durante o protectorado británico había 12 distritos administrativos: Choiseul, Eastern Solomons, Gizo, Guadalcanal, Lord Howe, Malaita, Nggela e Savo, Rennell e Bellona, Santa Cruz, Shortlands, Sikaiana (Stewart) e Ysabel e Cape Marsh. A capital era Tulagi.
Despois da segunda guerra mundial, reorganízase en catro distritos, Central, Occidental, Oriental e Malalaita. Estes distritos dividíronse en consellos. A capital trasladouse a Honiara e esta foi a organización territorial que tiñan as Illas Salomón no momento da súa independencia en 1978.
En 1981 reorganízase a administración territorial en sete provincias: o distrito Central deu nas provincias Central, Isabel e Guadalcanal; o distrito Oriental deu nas provincias de Makira e Temotu; e os distritos Occidental e Malalaita tornaranse en provincias ficando igual. En 1983 os 22 quilómetros cadrados da capital, Honiara, sácanse de Guadalcanal e créase o Territorio da capital, ao mesmo tempo que a cidade mantiña a capitalidade da provinica de Guadalcanal.
En 1995, Choiseul convértese en provincia, a partir dunha parte da provincia Occidental, e Rennell e Bellona sepárase da provincia Central, e deste xeito chégase ao número 9 actual.
Provincias
[editar | editar a fonte]| # | Provincia | Capital | Superficie (km²) |
Poboación (censo 1999) |
Densidade de pob. (km²) (1999) |
Poboación (estimación 2009) |
|---|---|---|---|---|---|---|
| 1 | Provincia Central | Tulagi | 615 | 21.577 | 35,1 | 24.226 |
| 2 | Provincia de Choiseul | Taro | 3.837 | 20.008 | 5,2 | 24.060 |
| 3 | Provincia de Guadalcanal (1) | Honiara | 5.336 | 60.275 | 11,3 | 79.555 |
| 4 | Provincia de Isabel | Buala | 4.136 | 20.421 | 4,9 | 23.209 |
| 5 | Provincia de Makira-Ulawa | Kirakira | 3.188 | 31.006 | 9,7 | 38.123 |
| 6 | Provincia de Malaita | Auki | 4.225 | 122.620 | 29,0 | 143.852 |
| 7 | Provincia de Rennell e Bellona | Tigoa | 671 | 2.377 | 3,5 | 2.174 |
| 8 | Provincia de Temotu | Lata | 895 | 18.912 | 21,1 | 21.190 |
| 9 | Provincia Occidental | Gizo | 5.475 | 62.739 | 11,5 | 83.759 |
| n/a | Territorio da Capital | Honiara | 22 | 49.107 | 2.232,1 | 78.190 |
| Illas Salomón | Honiara | 28.400 | 409.042 | 14,4 | 518.338 |
(1) excluíndo o Territorio da capital, Honiara