Permiano

Era	Período		Millóns de anos
Paleozoica	Permiano		299,0 ±0,8
	Carbonífero	Pensilvaniano	318,1 ±1,3
		Misisipiano	359,2 ±2,5
	Devoniano		416.0 ±2,8
	Silúrico		443,7 ±1,5
	Ordovícico		488,3 ±1,7
	Cámbrico		542,0 ±1,0

O Permiano é un período da escala de tempo xeolóxico, correspondente á era Paleozoica do eón Fanerozoico que comezou hai 299,0 ± 0,8 millóns de anos e acabou hai 251,0 ± 0,4 millóns de anos.

Estratigrafía

Como coa maioría dos períodos xeolóxicos, os estratos que definen o principio e o final do período están ben identificados, pero a data exacta do inicio é incerta por uns poucos millóns de anos.

O final do período está marcado por unha grande extinción que está datada con maior exactitude.

Posición na escala de tempo xeolóxico

O permiano segue ao carbonífero e precede ao triásico, e debe o seu nome aos extensos xacementos na rexión ao redor da cidade de Perm, en Rusia. Os xacementos permianos consisten principalmente en estratos vermellos continentais e exposicións mariñas pouco profundas.

Fósiles permianos.

Cambios climáticos e fósiles

No Permiano houbo importantes cambios climáticos cunha tendencia xeral de climas tropicais a condicións máis secas e áridas.

Produciuse unha contracción dos pantanos. Extinguíronse gran cantidade de fieitos arborescentes (Lycopodiophyta) e anfibios, que requirían condicións húmidas. Os fieitos con semente, os réptiles e os réptiles mamiferoides herdaron a Terra.

Os glaciares do carbonífero sobre a rexión polar do sur de Gondwana retrocederon durante o Permiano, continuando esta tendencia no Triásico con climas máis cálidos e secos.

Estes cambios climáticos culminaron na maior extinción masiva da historia, a extinción do Permiano-Triásico, que marcou o final do Permiano e permitiu a posterior diversificación dos dinosauros no Mesozoico.

Paleoclima do Permiano-Triásico.

Oroxenia e formación de Panxea

Durante o Permiano, desenvolveuse a oroxenia herciniana, un proceso tectónico que resultou na formación de grandes cadeas montañosas. Este evento xeolóxico estivo acompañado pola colisión de varios continentes, incluíndo Euramérica ou Laurusia (creado no Devoniano, composto por América do Norte e Eurasia) e Gondwana (que incluía a maior parte das masas continentais do hemisferio sur).

A culminación desta colisión tectónica foi a formación do supercontinente Panxea, que unificou case todas as masas terrestres nun único bloque continental. Panxea tiña unha forma en "C" cun vasto océano, o Pantalasa, que cubría a maior parte do resto do planeta, e un mar interior, o Paleo-Tetis, ao leste.

Véxase tamén

Outros artigos

• Estratigrafía
• Evolución
• Evolución dos réptiles
• Evolución dos mamíferos
• Fanerozoico
• Oroxenia herciniana
• Panxea
• Supercontinente
• Xeoloxía histórica

Ligazóns externas

• Tectónica de placas. Pérmico (en castelán) Consultada o 14/01/2013.

---

Este artigo sobre xeoloxía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---