Mikhail Gorbachev
Mikhail Sergeevich Gorbachev (en ruso: Михаил Сергеевич Горбачёв), nado en Privolnoe o 2 de marzo de 1931 e finado en Moscova o 30 de agosto de 2022,[1] foi un político ruso que foi o secretario xeral do Partido Comunista da Unión Soviética (PCUS) desde 1985 ata 1989 e presidente executivo da Unión de Repúblicas Socialistas Soviéticas dende 1989 até 1991.
Traxectoria
[editar | editar a fonte]![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Naceu o 2 de marzo de 1931 (outras fontes[quen?] afirman que naceu en 1935) en Privolnoe, Rusia, no seo dunha familia campesiña. En 1952 ingresou ao Partido Comunista e tres anos despois contraeu matrimonio con Raisa Maksimovna Titorenko, con quen tería unha filla, Irina. Ese mesmo ano obtivo o título de avogado na Universidade de Moscova. En 1978 foi elixido Secretario de Agricultura no Comité Central do Partido Comunista e dous anos despois converteuse no membro máis novo do Politburó.
Trala inesperada morte de Konstantín Chernenko, en abril de 1985, Gorbachev foi elixido Secretario Xeral do Partido Comunista da URSS e polo tanto, o gobernante de facto da Unión Soviética. Trala reorganización do partido e do sistema electoral, foi elixido xefe de Estado (1989) e primeiro Presidente da URSS polo Congreso (1990). As súas reformas estruturais á vida política e económica da URSS, coñecidas polos seus nomes rusos Glásnost e Perestroika, minaron o monopolio exercido polo comunismo nos países do leste e puxeron fin á guerra fría.
En marzo de 1991 convocouse a un referendo na Unión Soviética, o 78% da poboación dixo si ao mantemento da URSS. En agosto dese ano foi destituído por un grupo de altos cargos do PCUS e do Goberno que buscaban deixar sen efecto o Acordo de Belovezhie, que disolvía de facto a URSS ao separarse Ucraína, Rusia e Belarús. Foi retido durante tres días na súa residencia de verán en Forós (Crimea), pero puido reasumir as súas funcións tralo fracaso do golpe de Estado. Modificou a lexislación que permitía o monopolio político exclusivo do PCUS e decretou a nulidade da anexión das Repúblicas bálticas, dando deste modo vía libre para a súa independencia.
![](http://upload.wikimedia.org/wikipedia/commons/thumb/8/8d/Reagan_and_Gorbachev_signing.jpg/200px-Reagan_and_Gorbachev_signing.jpg)
Debilitado polos ataques do presidente da Federación rusa, Boris Eltsin e tras un van intento de que as Repúblicas restantes asinasen o Tratado da Unión, decidiu renunciar como secretario xeral do Partido Comunista e disolver o Comité Central. No Nadal dese mesmo ano disolveu oficialmente a Unión de Repúblicas Socialistas Soviéticas e renunciou como presidente executivo trala negativa dos presidentes das Repúblicas da Comunidade de Estados Independentes (CEI) a recoñecer os órganos do poder central.
Mikhail Gorbachev recibiu o Premio Nobel da Paz en 1990, pola súa contribución á distensión mundial.
En 1992 Mikhail Gorbachev creou a fundación que leva o seu nome e que ten filiais en países como os EUA, Suíza, Rusia ou Italia. Participou nalgunhas eleccións rusas, obtendo pobres resultados, e foi[cando?] o presidente do Partido Socialdemócrata de Rusia.
Conto da orixe galega
[editar | editar a fonte]Nos anos oitenta, un artigo escrito polo profesor de Carballeda de Valdeorras Tomás Terrón, en La Región, especulaba coa idea de que Gorbachev fose de antergos galegos[2]. Segundo el, uns investigadores (que non nomea) atoparan que o avó de Gorbachev fora un emigrante valdeorrés, Antón Corbacho, que pasara a través de Europa Central ata a Rusia tsarista, e que alí batera coa Revolución de 1917. O fillo, Manuel, estudara sendo este investigador, no seminario de Tbilisi e fora o pai do dirixente soviético. En paralelo, o suposto autor bilbaíno Gabriel Carrete, sinalaba en declaracións á prensa galega[3] que "é evidente que algunhas xentes de nome Gorb son de procedencia galega", en apoio da tese de Terrón. Non hai ningunha fonte, de ningún tipo, que sosteña este conto.
Obras selectas
[editar | editar a fonte]![]() | Os títulos de obras literarias, musicais, filmes, videoxogos etc. contidos neste artigo deberían aparecer na súa forma orixinal, a non ser que exista versión en galego (consulte a base de datos de libros editados en España ou a lista de filmes con versión en galego). Colabore connosco neste artigo e noutros en condicións semellantes para que a Galipedia mellore e medre. |
- Perestroika, 1988.
- The August Coup: The Truth and the Lessons, 1991.
- Memorias, 1996.
Notas
[editar | editar a fonte]- ↑ "Falece Gorbachov, o derradeiro mandatario da Unión Soviética". Nós Diario. 30 de agosto de 2022.
- ↑ Terrón Mendaña, [Tomás] (14/08/1986). "Sensacional descubrimiento: Gorbachov puede ser gallego". La Región (Ourense): 11.
- ↑ "Viaja a Galicia para demostrar el origen gallego de Gorbachov". La Región. 24/08/1986.
Véxase tamén
[editar | editar a fonte]![]() |
A Galipedia ten un portal sobre: Rusia |
![]() |
Commons ten máis contidos multimedia sobre: Mikhail Gorbachev |
Outros artigos
[editar | editar a fonte]Ligazóns externas
[editar | editar a fonte]- Páxina oficial de Mijail Gorbachev (en inglés).
- Time 100: Mikhail GorbachevArquivado 18 de xuño de 2006 en Wayback Machine. (en inglés).
- Nobel e-Museum: Mikhail Gorbachev (en inglés).
- Presidentes executivos da URSS
- Presidentes do Soviet Supremo
- Premio Nobel da Paz
- Premios Princesa de Asturias de Cooperación Internacional
- Nados en 1931
- Nados no krai de Stavropol
- Doutores honoris causa pola Universidade Autónoma de Madrid
- Doutores honoris causa pola Universidade Complutense de Madrid
- Premios Nobel de Rusia
- Finados en 2022