Leeds
Localización | |||||
---|---|---|---|---|---|
| |||||
Estado | Reino Unido | ||||
País | Inglaterra | ||||
Rexións | Yorkshire e Humber | ||||
Condado metropolitano (pt) ![]() | West Yorkshire (pt) ![]() | ||||
District with city status (en) ![]() | Leeds (en) ![]() ![]() | ||||
Capital de | |||||
Poboación | |||||
Poboación | 789.194 (2019) ![]() | ||||
Lingua oficial | lingua inglesa ![]() | ||||
Xeografía | |||||
Superficie | 551,7 km² ![]() | ||||
Bañado por | Rio Aire (pt) ![]() ![]() ![]() ![]() | ||||
Altitude | 10 m-340 m ![]() | ||||
Datos históricos | |||||
Evento clave
| |||||
Identificador descritivo | |||||
Fuso horario | |||||
Prefixo telefónico | 0113 ![]() | ||||
Outro | |||||
Irmandado con | |||||
Páxina web | leeds.gov.uk ![]() |
Leeds é unha cidade británica do condado de Yorkshire Occidental, no norte de Inglaterra, sita sobre o río Aire. Forma parte da área metropolitana denominada City of Leeds.
Segundo o censo de 2001 a zona urbana da cidade ten 429.242 habitantes e a aglomeración total 716.513. A área urbana de Leeds ten 1 880 000 habitantes (estimación de 2005).
Un habitante chámase localmente un loiner, aínda que é termo pouco usado. Os clubs deportivos empregan leodensian ou leodiensian, de inspiración latina imaxinaria.
Historia
[editar | editar a fonte]Leeds foi, orixinariamente, un mercado agrícola na Idade Media. En 1207 asinou a súa primeira carta de franquías.
Sobre os Tudors foi sobre todo un mercado de la, coa que se negociaba para toda Europa, utilizando o estuario do río Humber, chegando o seu comercio a representar en determinados momentos a metade das exportacións inglesas do produto.
No paso da Idade Moderna á Contemporánea a súa poboación medrou espectacularmente: pasou de 10.000 habitantes en 1751, ata atinxir 172.000 en 1851, á par que se convertía nunha cidade industrial. O seu crecemento industrial viuse favorecido pola apertura do canal de Liverpool a Leeds en 1816 e da vía de tren en 1848.
Economía
[editar | editar a fonte]![](http://upload.wikimedia.org/wikipedia/commons/thumb/8/86/Majestyk%2C_Leeds.jpg/150px-Majestyk%2C_Leeds.jpg)
![](http://upload.wikimedia.org/wikipedia/commons/thumb/1/1d/Leeds_Rathaus.jpg/150px-Leeds_Rathaus.jpg)
A cidade está situada no cruzamento das autoestrada M1 e M62, e un aeroporto internacional a serve.
Estas circunstancias tornárona nun centro magno da distribución de mercancías, da banca e das finanzas.
Como o resto do norte de Inglaterra, Leeds sufriu os efectos da recesión da décadas de 1970 e 1980: as minas da rexión pecharon pouco a pouco, pese a que a industria mineira fora un dos sectores económicos máis importantes desde había séculos.
Nos anos 90 atraeu moitos dos centros de chamada para telecomunicacións, en particular grazas á "fiabilidade" do acento do Yorkshire, aínda que ese factor deveceu coa deslocación dos empregos nese campo para Bangalore, na India. Actualmente, a súa economía vese forte e con visos de medrar aínda, mentres o comercio tornouse nun dos sectores máis importantes da economía da cidade.
Música pop
[editar | editar a fonte]Aínda que menos prolífica que as cidades veciñas como Manchester, Liverpool ou mesmo Sheffield, Leeds veu xurdir algún dos grupos de música pop de máis sona: The Kaiser Chiefs, The Mekons, Gang of Four, Sisters of Mercy, Soft Cell, New Order, The wedding Present, Chumbawamba e Cud. Tamén Corinne Bailey Rae naceu en Leeds.
Turismo
[editar | editar a fonte]![](http://upload.wikimedia.org/wikipedia/commons/thumb/0/0e/Bridgewater_Place_from_Call_Lane.jpg/220px-Bridgewater_Place_from_Call_Lane.jpg)
Leeds recentemente foi elixida como "cidade favorita do Reino Unido" pola revista 'Condé Nast Traveller.' A cidade salienta pola súa oferta cultural, os seus centros comerciais (magasins), a súa vida nocturna e a arquitectura do século XIX. O seu aeroporto[1] liga con varios destinos europeos e doutros continentes regularmente.
Museos e arte
[editar | editar a fonte]Leeds ten numerosos museos, tales como a Armería Real, Galería de Arte de Leeds (con, talvez, a mellor selección de arte británica do século XX fóra de Londres), Museo Médico Thackery e o Instituto Henry Moore. A cidade é tamén coñecida pola súa oferta teatral, sendo os teatros máis célebres son West Yorkshire Playhouse, Grand Theatre (Opera North, un dos grupos operísticos máis famosos do país, ten a sede aquí) e The City Varieties.
Centros comerciais
[editar | editar a fonte]Hoxe en día Leeds é, quizais, coñecida ante todo como destino para ir de compras. O centro urbano é unha grande zona peonal na que se poden encontrar máis de mil tendas nun barrio bastante compacto. Briggate é a maior rúa no centro urbano, na que teñen sede todos os grandes magasins británicos. O Corn Exchange ten varios, e as fermosas galerías vitorianas acollen moitos dos magacíns máis interesantes. The Victoria Quarter é o barrio máis exclusivo para iren de compras; contén vellos edificios e dúas grandes passages espectaculares con máis de 70 tendas, como Louis Vuitton, Vivienne Westwood, Nicholas Deakin, Space NK, Diesel etc.
Educación superior
[editar | editar a fonte]Leeds ten dúas universidades: a Universidade de Leeds con 31.500 estudantes (52.000 se se contan matriculados en cursos temporais) e máis a Leeds Metropolitan University, con arredor de 26.000 estudantes, dos que un 17% son estranxeiros.
Notas
[editar | editar a fonte]- ↑ "Leeds Bradford International Airport". Arquivado dende o orixinal o 07 de xaneiro de 2009. Consultado o 31 de agosto de 2021.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Leeds ![]() |
Ligazóns externas
[editar | editar a fonte]- Páxina oficial de Leeds
- Leeds City Guide Guía oficial de Leeds
- 'Leeds, Live it, Love it' Website oficial para visitantes