LGBT
![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2017.) |
![](http://upload.wikimedia.org/wikipedia/commons/thumb/4/48/Gay_Pride_Flag.svg/230px-Gay_Pride_Flag.svg.png)
LGBT, ou LGTB,[1] é o acrónimo de "Lesbianas, Gais, Bisexuais e Trans".[2][3] O termo agrupa ás persoas coas orientacións sexuais e identidades de xénero relativas a estas catro verbas,[4] mais tamén pode chegar a referirse a calquera persoa que non sexa heterosexual, heterorromántica ou cisxénero. Existen outras variantes, coma LGBTQ, que engade unha nova letra para as persoas que se identifican coma queer,[5] ou que están cuestionando a súa identidade sexual ou de xénero, mentres que, LGBTA e LGBTI, por exemplo, engaden outra diferente para representar ás persoas asexuais e intersexuais, respectivamente. Esta tendencia a engadir letras para incluír novas comunidades e disidencias deu lugar ao emprego do signo da suma, converténdose así en LGBT+.[6]
A expresión tivo a súa orixe na lingua inglesa nos anos noventa, mais estas iniciais coinciden en varias falas, entre elas a galega. O termo é o resultado dunha evolución na que se lle foron engadindo letras co fin de incluír a diversas comunidades discriminadas pola súa identidade sexual. Nun principio, empregábase a expresión «homosexual» ou «gai», mais algunhas organizacións de persoas bisexuais e lesbianas cuestionárona como insuficiente, dando paso á creación da sigla «LGB». Logo de que as persoas transexuais fixeran unha crítica semellante, engadíuselle a letra «T», creando así o termo «LGBT». A orde das letras pode variar segundo o uso de cada comunidade ou de cada país.
Significado dos termos
[editar | editar a fonte]Cada termo da sigla refírese a un grupo específico: lesbianas (mulleres homosexuais), gais (homes homosexuais), bisexuais (persoas senten atraídas por persoas de ambos os dous sexos indistintamente) e transexuais (persoas que senten pertencer ao sexo oposto ao que naceron).
Notas
[editar | editar a fonte]- ↑ "LGBT". The Free Dictionary. Consultado o 2024-03-04.
- ↑ "Trans" pode refírese tanto ás persoas transexuais como ás persoas transxénero e travestís.
- ↑ "Definition of LGBT". www.merriam-webster.com (en inglés). Consultado o 2024-03-04.
- ↑ "Definition of LGBT". Collins Dictionary. Consultado o 3 de marzo de 2024.
- ↑ Queer pode ser tamén un sinónimo de LGBT.
- ↑ "Lesbian, Gay, Bisexual, Transgender, Queer, Intersex, Asexual Resource Center". UCDavis.
Véxase tamén
[editar | editar a fonte]![]() |
A Galipedia ten un portal sobre: Diversidade sexual |
![]() |
Wikimedia Commons ten máis contidos multimedia na categoría: LGBT ![]() |