Keisuke Honda

Keisuke Honda
	;
Nome orixinal	(ja) 本田圭佑
Biografía
Nacemento	12 de xuño de 1986 (38 anos); Settsu, Xapón
Datos persoais
País de nacionalidade	Xapón
Altura	182 cm
Peso	76 kg
Actividade
Ocupación	futbolista
Período de actividade	1945 -
Representante	Honda Estilo (en)
Nacionalidade deportiva	Xapón
Deporte	fútbol
Posición de xogo	Centrocampista e dianteiro
Número deportivo	3
Traxectoria
Participou en
2018	Mundial de Fútbol Rusia 2018
2015	Copa da Ásia de 2015 (pt)
2014	Mundial de Fútbol Brasil 2014
2010	Mundial de Fútbol Suráfrica 2010
2008	Xogos Olímpicos de 2008
Páxina web	en.keisuke-honda.com

Keisuke Honda (本田圭佑, Honda Keisuke^?) nado en Settsu, Osaca, o 9 de setembro de 1991, é un futbolista internacional xaponés que xoga como mediapunta, aínda que tamén pode ocupar a posición de dianteiro, para o Botafogo da Série A. É coñecido polos seus lanzamentos de falta e a súa habilidade para canear. Foi convocado máis de 60 veces coa súa selección desde o ano 2008, coa que xogou as Copas do Mundo de Suráfrica 2010 e Brasil 2014 e gañou a Copa Asiática de 2011, onde foi elixido como mellor xogador do torneo. Alén de xogador, é o adestrador da selección de Camboxa.

Traxectoria

Comezos

Honda naceu en Settsu, cidade situada ao norte de Osaca, o 13 de xuño de 1986. Honda comezou a xogar ao fútbol no Settsu FC, o club da súa cidade natal, cando era un estudante de segundo grao na escola primaria. Posteriormente incorpórase con 13 anos ás categorías inferiores do Gamba Osaka. Alí permanece dous anos até que ingresa na Escola Secundaria Seiryo, situada na Prefectura de Ishikawa. Honda destaca no equipo de fútbol e convértese nun dos seus xogadores clave. Con el o equipo chega por vez primeira na historia da escola á fase final do "Torneo de fútbol do Xapón de Escolas Secundarias" (全国高等学校サッカー選手権大会, Zenkoku kōtō gakkō sakka senshuken taikai^?). Debido á súa actuación comeza a ser seguidos por varios equipos da J. League.