Katsuhiro Otomo

Katsuhiro Otomo
	; (2016)
Nome orixinal	(ja) 大友克洋
Biografía
Nacemento	14 de abril de 1954 (70 anos); Tome, Xapón
Educación	Miyagi Prefectural Sanuma Senior High School (en)
Actividade
Campo de traballo	Mangaka, dirección de cine, historieta e Manga
Ocupación	guionista, escritor, ilustrador, realizador, Mangaka, director de cinema, animador, artista visual
Xénero artístico	Manga
Obra
	Obras destacables Domu: A Child's Dream (en) ; (1988) Akira (pt) ;
Premios
	(2015) Grand prix de la ville d'Angoulême (en) ; (2014) oficial da Orde das Artes e as Letras; (2013) Medalla de Honra da Fita Morada; (2013) Premio Windsor McCay; (2012) Will Eisner Hall of Fame; (1984) Premio Seiun á mellor banda deseñada; (1983) Nihon SF Taisho Award (en) , premiado polo traballo Domu: A Child's Dream (en) ; (1982) Premio Seiun á mellor banda deseñada; cabaleiro da orde das Artes e as Letras ;

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

Katsuhiro Ōtomo (en caracteres xaponeses 大友克洋), nado na prefectura de Miyagi o 14 de abril de 1954, é un historietista, autor de banda deseñada e director de cinema xaponés.

Traxectoria

Ten gran consideración tanto en occidente como en oriente. Foi un dos primeiros autores de banda deseñada xaponesa en publicar en occidente. Domu (editada en España como Pesadillas por Norma Editorial) e AKIRA son obras que abriron o mundo da BD en Europa ás producións e sensibilidade xaponesas. As carecterísticas principais da maioría do seu traballo son a procura dun realismo e temáticas adultas tanto no visual como no argumental. Foi un dos autores clave na BD xaponesa dos oitenta, ao axudar a criar un estilo realista propiamente xaponés e a abrir o mercado xaponés ás innovacións e experimentacións visuais da BD francesa e tamén á inversa, levando a occidente o estilo narrativo e visual oriental.

Domu 童夢 (Pesadelos)

Despois de diferentes relatos curtos e algunha serie inacabada (Fierball), debuxou Domu, unha historia de ciencia ficción na que xoga co sobrenatural e os soños infantís. Tivo un grande éxito e gañou o premio literario SF Grand Prix. Isto levantou críticas, xa que nunca este premio fora outorgado a unha BD anteriormente. Nesta obra xa se ve máis claramente o estilo que mostrará na súa obra máis coñecida: AKIRA.

AKIRA

Considerado por moitos a súa obra mestra, naceu como BD en 1981, na revista Young Magazine. É unha historia de ciencia ficción futurista de tipo ciberpunk. Conta a historia de Kaneda e o seu amigo Tetsuo que adquire estraños poderes despois duns experimentos militares. A historia, chea de acción e narrada dunha forma maxistral e innovadora foi un éxito internacional e levou a banda deseñada xaponesa á atención dos países occidentais, nos que daquela se tiña unha idea vaga sobre a banda deseñada xaponesa. Os fondos feitos cun detalle poucas veces visto na bd daba unha ambientación profunda e fascinante que os autores europeos e americanos admiraron.

A forza visual da obra, a boa construción da trama e a interesante visión do futuro fan de AKIRA unha obra capital para entender a ciencia ficción dentro da banda deseñada.

Grazas ao éxito da obra fíxose unha adaptación cinematográfica de animación da obra, dirixida polo propio Katsuhiro Otomo. Cun orzamento espectacular para unha produción non xaponesa e unha estética completamente nova conseguiu un éxito internacional importante e está considerada filme de culto dentro da animación.

Obra

Historietística

The Gun Report (1973).
Memorias
Highway Star (1975-1978)
Fireball (1979)
Pesadillas (Domu, 童夢) (1980)
Sayonara Nippon
Short Peace
Akira (アキラ)
Legend of Mother Sarah, só como guionista. Debuxos de Takumi Nagayashu.

Cinematográfica