José Domínguez González (político)
  | |
| Biografía | |
|---|---|
| Nacemento | 1895 Corzáns, España |
| Morte | 24 de febreiro de 1937 (41/42 anos) Vigo, España |
| Causa da morte | pena de morte, ferida por arma de fogo |
| Actividade | |
| Ocupación | político |
| Partido político | Partido Socialista Obrero Español |
 | |
José Domínguez González, nado en Corzáns (Salvaterra de Miño) en 1895 e finado en Vigo o 24 de febreiro de 1937, foi un político galego.[1]
Traxectoria
[editar | editar a fonte]Emigrou a Arxentina con 16 anos, e alí traballou de panadeiro e foi sindicalista. Participou na Sociedad Juventud Progresista Hijos de Fornelos y Anexos e na Sociedade Nazonalista Pondal, e colaborou en Acción Gallega e A Fouce. Retornado a Salvaterra de Miño, na República foi concelleiro socialista e tenente alcalde.
Logo do golpe de Estado do 18 de xullo de 1936 incorporouse ao Comité de Defensa da República. Foi detido, xulgado en Vigo por rebelión militar e condenado á pena de morte. Antes da súa execución escribiu unha carta a Adela Melijosa Suárez e outras compañeiras presas.[2] Foi fusilado no castelo do Castro en Vigo ás once da mañá do 24 de febreiro de 1937, xunto con nove persoas máis.
Notas
[editar | editar a fonte]- ↑ X.M.P. (21 de outubro de 2016). "Salvaterra fai memoria histórica: un alcalde republicano, un emigrante galeguista e un 'arredista' fusilado". Sermos Galiza.
- ↑ Álvarez Castro, Xosé (7 de decembro de 2015). "Epistolario: carta a Adela e compañeiras". Pontevedra nos anos do medo.
