Illa do Diaño
Illa do Diaño | |
---|---|
Île du Diable | |
![]() | |
![]() | |
Situación | |
País | ![]() |
Departamentos e territorios de ultramar de Francia | Güiana Francesa |
Arquipélago | Illas da Salvación |
Mar | Océano Atlántico |
Coordenadas | Coordenadas: 5°17′38″N 52°35′00″O / 5.29389, -52.5833 |
Xeografía | |
Xeoloxía | Illa continental |
Superficie | 0,14 km² |
Punto máis alto | 40 m |
Demografía | |
Poboación | Deshabitada |
![]() |
Commons ten máis contidos multimedia sobre: Illa do Diaño |
A Illa do Diaño[Cómpre referencia] (en francés "Île du Diable") é a illa máis pequena das tres Illas da Salvación (en francés Iles du Salut), localizada a 11 km da costa de Güiana Francesa ten unha área de 14 hectáreas. As súas coordenadas xeográficas son: 5°17'N, 52°35'W. A illa foi utilizada como unha colonia penal francesa, moi famosa pola brutalidade con que eran tratados os prisioneiros.
A illa é rochosa e esta cuberta de selva tropical. Ten unha altitude media de 40 metros sobre o nivel do mar. Foi aberta en 1851 por Napoleón III para albergar todo tipo de prisioneiros, desde asasinos a criminais políticos. A pesar de que os edificios administrativos se atopaban en Kourou en terra firme, co tempo todo o complexo foi chamado A Illa do Diaño.
Desde 1852 ata 1938 chegaron máis de 80,000 prisioneiros, e debido ás terribles condicións sanitarias da illa, a maioría nunca volveron ser vistos. A única forma de escapar era por bote, e logo debía superarse unha selva impenetrable, polo que poucos convictos lograron escapar.
Algúns sobreviventes deixaron relatos dos horrores do penal, entre eles atópase o anarquista Clément Duval, o autor de Papillon Henri Charrière e o famoso capitán Alfred Dreyfus, que estivo alí máis de catro anos ata que foi perdoado en 1899 e finalmente declarado inocente en 1906.
O penal foi clausurado en 1946 e a maioría dos prisioneiros regresou a Francia, aínda que algúns decidiron quedar na Güiana Francesa.
Notas
[editar | editar a fonte]Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Illa do Diaño ![]() |