Europa continental

Europa continental.

A Europa continental, tamén chamada continente europeo, é o continente de Europa, explicitamente excluíndo as illas europeas, e, ás veces, as penínsulas. Notabelmente, no uso do inglés británico, o termo significa: a Europa excluíndo o Reino Unido, a Illa de Man, Irlanda e Islandia. Unha definición xeral de "Europa continental" é o continente europeo excluíndo o Reino Unido, Irlanda e Islandia. Porén, noutras rexións de Europa prevalecen ideas distintas sobre o que realmente significa a expresión.

Algunhas definicións de Europa continental expanden as fronteiras do continente para os seus límites xeográficos, incluíndo as nacións que están dentro das elevadas fronteiras dos Urais e do Cáucaso.

O que pode parecer ser unha simple cuestión de definición xeográfica, porén, ten profundas implicacións sociais e políticas. Algunhas definicións de Europa continental inclúen as nacións transcaucasianas da Xeorxia e Armenia - que son predominantemente cristiás - mentres que exclúen ao mesmo tempo as nacións predominantemente musulmás como Acerbaixán e Turquía.

Illas mediterráneas

No contexto do Mediterráneo, "o continente" pode referirse á parte continental de Italia (en oposición a Sardeña e Sicilia) ou a parte continental da Francia (en oposición a Córsega).

Illas atlánticas

No contexto do Atlántico, "o continente" pode referirse á parte continental de Portugal (en oposición a Madeira e os Azores).

• - Reino Unido (Gran Bretaña e Irlanda do Norte)
• - Irlanda (Eire)
• - Islandia
• - A illa de Malta
• - A illa de Chipre
• - Illas Feroe (pertencentes a Dinamarca)
• - Illas Baleares (pertencentes a España)
• - Córsega (pertencente a Francia)
• - Sardeña (pertencente a Italia)
• - Sicilia (pertencente a Italia)
• - Creta (pertencente a Grecia)
• - Bornholm (pertencente a Dinamarca)
• - Fionia (pertencente a Dinamarca)
• - Selandia (pertencente a Dinamarca)