Estée Lauder
  | |
| Biografía | |
|---|---|
| Nacemento | (en) Josephine Esther Mentzer 1 de xullo de 1906 Corona, Estados Unidos de América (pt)  |
| Morte | 24 de abril de 2004 (97 anos) Manhattan, Estados Unidos de América |
| Causa da morte | parada cardiorrespiratoria |
| Lugar de sepultura | Beth-El Cemetery (en) |
| Educación | Newtown High School (en) |
| Actividade | |
| Ocupación | empresaria |
| Familia | |
| Cónxuxe | Joseph Lauder |
| Fillos | Leonard Lauder, Ronald Lauder |
| Premios | |
| Páxina web | esteelauder.com |
   | |
Josephine Esther Mentzer, coñecida como Estée Lauder (|ˈɛsteɪ ˈlɔːdər|), nada en Nova York o 1 de xullo de 1908,[1][2] e finada na mesma cidade o 24 de abril de 2004, foi unha muller de negocios estadounidense. Foi a cofundadora xunto co seu esposo Joseph Lauter (despois Lauder)[3] da compañía do seu nome. Lauder foi a única muller incluída en 1998 na lista da revista Time dos vinte xenios dos negocios do século XX.[4]
Traxectoria
[editar | editar a fonte]Primeiros anos e educación
[editar | editar a fonte]Lauder naceu Corona, Queens,[5] Nova York,[6] segunda dos fillos de Rose (Schotz) Rosenthal e Max Mentzer.[7][8] Os seus pais eran inmigrantes húngaros xudeus,[6][9][10] a súa nai de Sátoraljaújhely e o seu pai de Gelle (hoxe Holice, Eslovaquia).[11] Rose emigrou dende Hungría aos Estados Unidos en 1898 cos seus cinco fillos para unirse ao seu marido, Abraham Rosenthal,[7] mais en 1905 casou con Max Mentzer,[7] tendeiro que tamén inmigrara aos Estados Unidos na década de 1890.[7] Cando naceu a súa filla, a súa nai quixo nomeala Eszti pola súa tía favorita, pero no último momento puxéronlle o nome de "Josephine", co que ambos estaban de acordo. Con todo, deseguida o alcume da bebé foi "Estee", que foi o nome ao que respondía. Eventualmente, cando creou o seu imperio dos perfumes co seu marido, engadiu un acento para facelo soar francés e comezou a pronuncialo na forma en que o facía o seu pai no seu acento húngaro.[12] Como a maioría dos seus irmáns, traballou na ferraxería familiar, onde descubriu por primeira vez o seu gusto polos negocios, o seu espírito emprendedor e que leva a ser un comerciante de éxito. O soño da súa infancia era converterse en actriz co seu "nome nas luces, flores e homes guapos".[8][13]
.jpg)
Cando Estée creceu acordou axudar o seu tío Dr. John Schotz, químico, no seu negocio. A súa compañía, New Way Laboratories, vendía produtos de beleza como cremas, locións, colorete e fragrancias. Comezou a interesarse máis neste negocio que no do seu pai. Tamén aprendeu a lavar a súa cara e dar masaxes faciais. Tras graduarse no Newtown High School, centrouse no negocio do seu tío.
Carreira
[editar | editar a fonte]Lauder deu nome a unha das mesturas Super Rich All-Purpose Cream do seu tío, e comezou a vender os seus produtos ás súas amigas.[7] Vendeu cremas como a Six-In-One Cold Cream e a Dr. Schotz's Viennese Cream a tendas de beleza, clubs de praia e centros turísticos.[14] Un día, mentres lle arranxaban o cabelo en House of Ash Blondes, a dona do salón, Florence Morris, preguntoulle pola súa perfecta cute. Axiña, Estée volveu o salón para distribuír catro das cremas do seu tío e amosar o seu uso. Morris ficou tan impresionada que pediu a Lauder que vendese os seus produtos no seu novo salón.[7]
En 1953, Lauder presentou a súa primeira fragrancia, Youth-Dew, un sal de baño que imitaba un perfume. En vez de empregar perfumes franceses botando unha pinga detrás de cada orella, as mulleres comezaron a usar Youth-Dew na súa auga de baño. No primeiro ano, vendéronse 50 000 botellas, e en 1984, o número aumentara a 150 millóns.[15]
En 1985 protagonizou un documental en televisión, Estée Lauder: The Sweet Smell of Success. Explicando o seu éxito, dixo "Nunca traballei un día na miña vida sen vender. Se creo en algo, véndoo, e véndoo duramente".[14][16]
Falecemento
[editar | editar a fonte]Lauder faleceu aos 95 anos vítima dunha ataque cardiopulmonar o 24 de abril de 2004 na súa casa de Manhattan.[2]
Vida privada
[editar | editar a fonte]Estée coñeceu a Joseph Lauter cando ela tiña pouco máis de vinte anos e casaron o 15 de xaneiro de 1930. O apelido foi cambiado logo de Lauter a Lauder. O seu primeiro fillo, Leonard, naceu o 19 de marzo de 1933.[17][18] A parella separouse en 1939 e ela mudouse a Florida, mais volveron casar en 1942.[14] O seu segundo fillo, Ronald, naceu en 1944. Estée e Joseph Lauder permaneceron casados ata a morte del en 1982, e ela arrepentiuse do seu divorcio, dicindo que casara moi nova e asumiu que perdera a súa vida mais axiña se deu de conta que tiña "o marido máis doce do mundo".[19]
Leonard converteuse en xefe educativo de Estée Lauder[20] e despois en presidente do consello.[21] Ronald foi axudante do Secretario de Defensa durante a administración Reagan e embaixador dos Estados Unidos en Austria en 1986-87.[22]
Recoñecementos
[editar | editar a fonte]Lauder recibiu o título de cabaleiro da Lexión de Honor do cónsul xeral de Francia, Gerard Causer. Foi a primeira muller en recibir a condecoración de cabaleiro o 16 de xaneiro de 1978.[23] Foi incluída no Junior Achievement U.S. Business Hall of Fame en 1988 e recibiu a Medalla Presidencial da Liberdade en 2004.
Notas
[editar | editar a fonte]- ↑ Estée Lauder en Find a Grave (en inglés)
- ↑ 2,0 2,1 "Cosmetics Mogul Estee Lauder Dies". cbsnews.com. 25 de abril de 2004. Arquivado dende o orixinal o 10 de outubro de 2007. Consultado o 8 de agosto de 2008.
- ↑ "Estee Lauder". The Biography Channel. AETN UK. Arquivado dende o orixinal o 14 de xullo de 2014. Consultado o 22 de xuño de 2014.
- ↑ Timothy Williams, Gates Among Time's Top 20 20Th-Century Business Titans Arquivado 03 de febreiro de 2018 en Wayback Machine. Seattle Times, 30 de novembro de 1998
- ↑ Severo, Richard (26 de abril de 2004). "Estée Lauder, Pursuer of Beauty And Cosmetics Titan, Dies at 97". The New York Times. Consultado o 9 de maio de 2010.
- ↑ 6,0 6,1 "Josephine Esther Mentzer - New York, New York City Births". FamilySearch. Consultado o 3 de xaneiro de 2016.
- ↑ 7,0 7,1 7,2 7,3 7,4 7,5 Kent, Jacqueline C. (2003). Business Builders in Cosmetics. The Oliver Press. ISBN 1-881508-82-X.
- ↑ 8,0 8,1 Lauder, Estee. "The Makings of a Beauty Tycoon: Estee Lauder is Born". EvanCarmichael.com. Arquivado dende o orixinal o 17 de outubro de 2015. Consultado o 29 de agosto de 2016.
- ↑ "Population Schedule". Fourteenth Census of the United States. US Department of Commerce, Bureau of the Census. 1920. Consultado o 29 de agosto de 2016 – vía FamilySearch.com.
- ↑ "Population Schedule". Fifteenth Census of the United States. US Department of Commerce, Bureau of the Census. 1930. Consultado o 29 de agosto de 2016 – vía FamilySearch.com.
- ↑ Votruba, Martin. "Estée Lauder". Slovak Studies Program. Universidade de Pittsburgh. Arquivado dende o orixinal o 22 de novembro de 2017. Consultado o 14 de setembro de 2018.
- ↑ Lauder, Estee (21 de outubro de 1985). "Estee Lauder". New York (New York Media) 18 (41): 32. ISSN 0028-7369.
- ↑ Herzog, Edwin (maio de 2012). "Estée Lauder profile". Majoroszog Journal.
- ↑ 14,0 14,1 14,2 "Estee Lauder biography". financial-inspiration.com. Arquivado dende o orixinal o 22 de febreiro de 2008. Consultado o 14 de setembro de 2018.
- ↑ "estee lauder Biography". thebiographychannel.co.uk. Arquivado dende o orixinal o 25 de outubro de 2012. Consultado o 29 de agosto de 2016.
- ↑ Orixinal en inglés: "I have never worked a day in my life without selling. If I believe in something, I sell it, and I sell it hard".
- ↑ Kent 2003, p. 115.
- ↑ "Leonard Lauder". Cityfile.com. Arquivado dende o orixinal o 11 de outubro de 2010. Consultado o 31 de outubro de 2010.
- ↑ "Cosmetics Magnate Estee Lauder Dies at 97 (washingtonpost.com)". www.washingtonpost.com. Consultado o 10 de agosto de 2018.
- ↑ Mirabella, Grace (7 de decembro de 1998). "Beauty Queen: Estee Lauder: She turned cosmetics into a big business by making the experience at the sales counter a personal one". Time. Arquivado dende o orixinal o 11 de setembro de 2012. Consultado o 14 de setembro de 2018.
- ↑ "Cosmetics mogul Estee Lauder dies". CNN. 26 de abril de 2004. Consultado o 29 de agosto de 2016.
- ↑ "Just Who Was Our Envoy to Vienna". The New York Times. 27 de xullo de 1989. Consultado o 13 de xuño de 2014.
- ↑ "Getty Images". Arquivado dende o orixinal o 02 de febreiro de 2017. Consultado o 14 de setembro de 2018.
Véxase tamén
[editar | editar a fonte]Bibliografía
[editar | editar a fonte]- Alpern, Sara, "Estee Lauder," Jewish Women: A Comprehensive Historical Encyclopedia
- Kent, Jacqueline C. (2003), Business Builders in Cosmetics, The Oliver Press, ISBN 1-881508-82-X
- The Editors Of Perseus Publishing (2003), The Big Book of Business Quotations, Basic Books, ISBN 0-7382-0848-5
- Lauder, Estée. Estée: A Success Story. Nova York: Random House, 1985. ISBN 978-0-394-55191-3 OCLC 230830846
- Epstein, Rachel S. Estée Lauder: Beauty Business Success. Nova York: Franklin Watts, 2000. ISBN 978-0-531-11705-7 OCLC 824192141
- Koehn, Nancy F. Brand New: How Entrepreneurs Earned Consumers' Trust from Wedgwood to Dell. Boston: Harvard Business School Press, 2001. ISBN 978-1-578-51221-8 OCLC 44868991 "Part 2. The Present. Chapter 5. Estée Lauder." pp. 137–200.
- Estée Lauder Australia Official Site, Estée Stories Blog, 5 Things You Didn't Know About Estée Lauder, consultado o 19 de xuño de 2018.
