Coroa checoslovaca
Corona checoslovaca koruna československá (checo & eslovaco) |
|
---|---|
![]() | |
Unha coroa da 1ª República checoslovaca | |
Código ISO 4217 | CSK |
Banco central | Státní Banka Československá |
Usada en: | ![]()
![]() |
Inflación | 57,9% |
Fonte : | Banco Mundial, 1991[1] |
Subdivisións | |
1/100 | haléř (checo) halier (eslovaco) |
Símbolo monetario | Kčs |
Plural | As linguaxes desta moeda pertencen ós idiomas eslavos, polo cal existen varais formas de construi-lo plural. |
Moedas | |
Moedas de uso frec. | 10, 20, 50 h; 1, 2, 5 Kčs |
Moedas de uso infrec. | 5, 25 h, 3, 10 Kčs |
Billetes | |
Billetes de uso frec.' | 10, 20, 50, 100 Kčs |
Billetes de uso infrec. | 1.000 Kčs |
Impresor | Státní tiskárna cenin (Impresor de Valores Estatais, Praga) |
Sitio web | www.stc.cz |
Ceca | Mincovňa Kremnica (Ceca de Kremnica) |
Sitio web | www.mint.sk |
Esta caixa de información reflicte o último estado desta moeda, antes da súa retirada da circulación, a cal ocorreu o 7 de febreiro de 1993. |
![](http://upload.wikimedia.org/wikipedia/commons/thumb/2/22/CZE-1-Republika_Ceskoslovenska-10_Korun_%281919%2C_Provisional_issue%29.jpg/240px-CZE-1-Republika_Ceskoslovenska-10_Korun_%281919%2C_Provisional_issue%29.jpg)
A coroa checoslovaca (en checo e eslovaco: koruna československá, ás veces koruna česko-slovenská; Koruna significa "coroa") foi a moeda de Checoslovaquia dende o 10 de abril de 1919 ó 14 de marzo de 1939 e dende o 1 de novembro de 1945 ata o 7 de febreiro de 1993. Tamén foi por un breve período en 1939 e en 1993, a moeda oficial por separado da República Checa e da República Eslovaca.
O 8 de febreiro de 1993 foi substituída pola coroa checa e pola coroa eslovaca.
O (último) código ISO 4217 e as abreviaturas locais da coroa eran CSK e Kčs. Unha coroa equivalía a 100 haléřů (en checo, a súa forma en singular é haléř) ou halierov (en eslovaco, a súa forma en singular é: halier). En ambas as linguas, utilizouse a abreviatura "h". A abreviatura púñase detrás do valor numérico.
Primeira koruna
[editar | editar a fonte]- Véxase tamén: Moedas da coroa checoslovaca (1919) e Billetes da coroa checoslovaca (1919).
A moeda chamada Krone en alemán e koruna en checo foi introducida no Imperio Austro-Húngaro o 11 de setembro de 1892, coma a primeira moeda moderna baseada no ouro nesa área. Tras a creación do estado independente de Checoslovaquia en 1918, xurdiu unha necesidade urxente de establecer un novo sistema monetario que distinguise a súa moeda das doutros países que acababan de nacer e que sufrían moita inflación. O ano seguinte, o 10 de abril de 1919, tivo lugar unha reforma monetaria, que daba á nova coroa un valor equivalente á vella coroa austrohúngara. Os primeiros billetes entraron en circulación ese mesmo ano; as moedas tres anos despois, en 1921.[2]
Esta primeira coroa circulou ata 1939, cando apareceron as moedas separadas para Bohemia e Moravia e Eslovaquia, á par coa coroa checoslovaca. Estas foron a Coroa de Bohemia e Moravia e a Coroa eslovaca de 1939-1945.
Segunda koruna
[editar | editar a fonte]A coroa checoslovaca restableceuse en 1945, en substitución das dúas anteriores moedas. Coma consecuencia da guerra, a moeda perdeu gran parte do seu valor.
Terceira koruna
[editar | editar a fonte]- Véxase tamén: Moedas da coroa checoslovaca (1953) e Billetes da coroa checoslovaca (1953).
A coroa pasou por unha serie de novas reformas. Unha particularmente drástica foi a realizada en 1953. Nese momento, o Partido Comunista de Checoslovaquia tivo que facer fronte ó feito de que había un mercado dobre no país: un mercado fixo para asegura-la dispoñibilidade de alimentos básicos, baseado nun sistema de racionamento da posguerra, e un mercado libre, no que as mercadorías foron ata oito veces máis caras, pero de mellor calidade. Decidiron entón declarar unha reforma monetaria válida a partir de 1 de xuño de 1953 e distribuír novos billetes impresos na Unión Soviética. A reforma preparárase moi rapidamente e foi confidencial ata o último minuto, pero aínda así, filtrouse algunha información, o que causou un gran pánico entre a poboación.
A noite antes do prazo, o presidente de Checoslovaquia, Antonín Zápotocký, fixo un discurso de radio, no cal mentiu á nación afirmando que non había posibilidade ningunha dunha reforma monetaria e calmou os habitantes. O día seguinte, os cidadáns foron autorizados a cambiar ata 1.500 coroas vellas por novas coroas, cunha taxa de cambio de 5:1; por riba das 1.500 coroas a taxa de cambio era 50:1. Tódolos fondos de pensións e seguros de investimento, así como os bonos do estado foron anulados. A situación económica de moitas persoas empeorou e estalaron manifestacións, a maior das cales tivo lugar en Plzeň, onde 472 persoas foron detidas.
En 1993, de acordo coa disolución da Federación Checoslovaca, a coroa de Checoslovaquia dividiuse en dúas moedas independentes: a coroa eslovaca e o coroa checa. A adhesión á UE en 2004 significaba que ambas as moedas ían ser substituídas polo euro unha vez que os seus respectivos países cumpriawn os criterios de converxencia económica e que existise a vontade política para facelo. A coroa eslovaca substituíuse polo euro o 1 de xaneiro de 2009. Actualmente non existe ningunha data nin prazo confirmado para a substitución da coroa checa por parte do euro.
Notas
[editar | editar a fonte]- ↑ Inflation in Czechoslovakia 1985–91, World Bank
- ↑ George Cuhaj (2011). Krause Publications, ed. 2012 Standard Catalog of World Coins 1901-2000, 39th Edition (pdf). ISBN 978-1-4402-1572-8.
Véxase tamén
[editar | editar a fonte]Outros artigos
[editar | editar a fonte]![]() |
Wikimedia Commons ten máis contidos multimedia na categoría: Coroa checoslovaca |
Bibliografía
[editar | editar a fonte]- Pick, Albert (1994). Krause Publications., ed. Standard Catalog of World Paper Money: General Issues. Colin R. Bruce II and Neil Shafer (editores) (7th ed.). ISBN 0-87341-207-9.
- Krause, Chester L. e Clifford Mishler (1991). Krause Publications., ed. Standard Catalog of World Coins: 1801–1991 (18th ed.). ISBN 0873411501.