Colin Martin
-1988.png) Colin Martin | |
| Biografía | |
|---|---|
| Nacemento | 11 de marzo de 1906 |
| Morte | 2 de xaneiro de 1995 (88 anos) Aubone. Suíza |
| País de nacionalidade | Suíza. |
| Educación |  Universidade de Lausana. |
| Actividade | |
| Campo de traballo | Numismática e dereito. |
| Ocupación | avogado, numismático  |
| Familia | |
| Cónxuxe | Mariette Andrée Irène van Muyden (1941). |
| Premios | |
| (1987): Premio Otto Paul Wenger. | |
Colin Henri Martin,[1] nado o 11 de marzo de 1906 en Lausana e finado o 2 de xaneiro de 1995 en Aubonne, foi un numismático, avogado e director de museo suízo.
Traxectoria
[editar | editar a fonte]Colin Martin naceu en Lausana o 11 de marzo de 1906,[2] fillo de Marguerite Viret e do comerciante Henri Martin.[1]
Formación e exercicio do Dereito
[editar | editar a fonte]Cursou estudos superiores de Dereito na Universidade de Lausana. Logo de se dedicar durante uns anos aos negocios, en 1940 acadou o seu doutoramento en Historia do Dereito, cunha tese sobre lexislación monetaria titulada La réglementation bernoise des monnaies ("A regulación monetaria de Berna"), que foi publicada o mesmo ano.[2][3]
En 1942 ingresou no colexio de avogados e comezou o exercicio desta profesión.[2]
Actividade numismática e académica
[editar | editar a fonte]En paralelo á súa actividade profesional, Colin Martin foi un estudoso do mundo da moeda e chegou a se concerter nun reputado numismático.[2]
En 1937 foi nomeado director do Gabinete de Medallas, que anos máis tarde se convertería no Museo Monetario Cantonal de Vaud, en Lausana. Exerceu este cargo ata que en 1984 foi relevado por Anne Geiser.[2]
Entre outras entidades de carácter asociativo e académico, Martin foi membro da Sociedade Suíza de Numismática, da que foi presidente entre 1949 e 1980. Tamén presidiu a Sociedade Suíza de Ciencias Humanas (1975-1980) e a Academia Suíza das Ciencias Humanas e Sociais (1975-1978),[4] foi secretario da Sociedade Académica de Vaud e exerceu como tesoureiro da Comisión Internacional de Numismática.[2]
No ámbito editorial, en 1939 Colin Martin foi un dos impulsores da colección bibliográfica Bibliothèque historique vaudoise, vinculada á Universidade de Lausana e concibida para a publicación de teses e outros estudos relacionados coa historia do cantón de Vaud.[2]
Canto á súa vida familiar, en 1941 casou con Mariette Andrée Irène van Muyden.[1]
Colin Martin finou o 2 de xaneiro de 1995 en Aubonne, no cantón de Vaud.[5]
Recoñecementos
[editar | editar a fonte]- (1972): Doutor honoris causa pola Universidade de Lausana.[2]
- (1987): Premio Otto Paul Wenger, da Asociación de Numismáticos Profesionais Suízos.[6]
Publicacións
[editar | editar a fonte]Colin Martin publicou numerosos artigos ao longo da súa carreira, sinaladamente nas revistas numismáticas suízas Schweizer Münzblätter e Schweizerische Numismatische Rundschau, e tamén noutras, como a francesa Revue Numismatique.[1] Así mesmo, é autor dalgúns traballos monográficos, entre eles os seguintes:[7]
Monografías
[editar | editar a fonte]- (1940). La réglementation bernoise des monnaies au pays de Vaud,1536-1623. Bibliothèque historique vaudoise, Lausanne.
- (1973). Trésors et trouvailles monétaires racontent l’histoire de Pays de Vaud. Bibliothèque historique vaudoise, Lausanne.
- (1978). Essai sur la politique monétaire de Berne: 1400-1798. Bibliothèque historique vaudoise, Lausanne.
- (1980). Nouvelles recherches sur le vicus gallo-romain de Lousonna (con G. Kaenel). Lausana.
- (1983). Les monnaies en circulation dans les cantons: 1400-1798. Bibliothèque historique vaudoise, Lausanne.
- (1994). Catalogue des balances de changeurs des dénéraux et des poids: collections du Cabinet des médailles de Lausanne. 1, La France et l'Italie (con M. Campagnolo). Association des amis du Cabinet des médailles, Lausana. ISBN 9782940094004
- (1995). Catalogue des mandats monétaires: collections du Cabinet des médailles de Lausanne. Association des amis du Cabinet des médailles, Lausana. ISBN 9782940094028
Notas
[editar | editar a fonte]- ↑ 1,0 1,1 1,2 1,3 "Martin, Colin Henri Arquivado 09 de decembro de 2021 en Wayback Machine.". Digital Library Numis.
- ↑ 2,0 2,1 2,2 2,3 2,4 2,5 2,6 2,7 "Martin, Colin, avocat, 1906-1995". Réseau vaudois des bibliothèques. Patrium.
- ↑ Véxase (1940) en "Publicacións".
- ↑ "Schweizerische Akademie der Geistes- und Sozialwissenschaften (SAGW)". Historisches Lexikon der Schweiz (HLS).
- ↑ Geisser, A. (2009).
- ↑ "Otto Paul Wenger-Preis". Numis Post (www.numis-online-ch).
- ↑ "Martin, Colin". WorldCat Identities.
Véxase tamén
[editar | editar a fonte]Bibliografía
[editar | editar a fonte]- Geisser, A. (2009). "Colin Martin". En Dictionnaire Historique de la Suisse (DHS).
- "Hommage à Colin Martin". En: Cahiers romands de numismatique, 1. 1992: Páxinas 11-35.
- Pelet, P-L. (ed.) (1992). La Monnaie de sa pièce. Hommages à Colin Martin. Bibliothèque historique vaudoise, Lausanne.
- Schwarz, D. (1966). Colin Martin sechzigjährig. En Schweizer Münzblätter. 16. Páxinas 57-58.
