China Southern Airlines
China Southern Airlines | ||
---|---|---|
![]() | ||
IATA CZ | OACI CSN | Indicativo CHINA SOUTHERN |
Fundación | 1988 | |
Plan de voo frecuente | Sky Pearl Club | |
Alianza | SkyTeam ![]() | |
Frota | 368 | |
Destinos | 200 | |
Holding | China Southern Airlines Co., Ltd. | |
Páxina web: http://www.csair.com |
China Southern Airlines (chinés simplificado: 中国南方航空公司; chinés tradicional: 中國南方航空公司) é unha aeroliña chinesa baseada en Guangzhou. É a sexta aeroliña máis grande do mundo en número de pasaxeiros transportados, e a máis grande de Asia en pasaxeiros e número de avións. Tamén é a cuarta aeroliña do mundo en tráfico doméstico. Dende os seus dous principais centros de operacións nos aeroportos de Guangzhou Baiyun e Beijing Capital, a aeroliña voa a 121 destinos usando 422 avións.
China Southern Airlines creouse o 1 de xullo de 1988 despois da reestruturación da Administración Chinesa de Aviación Civil. Dende entón, a compañía adquiríu e fusionouse con varias aeroliñas domésticas, converténdose nunha das tres máis grandes do país (xunto con Air China e China Eastern Airlines). China Southern Airlines é membro da alianza SkyTeam.
En 2010 China Southern Airlines transportou a 76,5 millóns de pasaxeiros e tivo uns beneficios de 883 millóns de dólares.
Destinos
[editar | editar a fonte]China Southern Airlines voa a 193 destinos en 35 países distintos de todo o mundo. Mantén unha forte presenza no mercado doméstico cos seus centros de conexión principais no Aeroporto Internacional de Pequín-Capital, no Aeroporto Internacional de Cantón-Baiyun, o Aeroporto Internacional de Chongqing Jiangbei e o Aeroporto Internacional de Urumchi-Diwopu, xunto con outras cidades centrais como Changchun, Changsha, Dalian, Shanghai, Shenyang, Shenzhen, Wuhan e Zhengzhou. Os plans da aeroliña pasan por continuar desenvolvendo Chongqing e Urumchi como centros de conexión ademais de explotar o potencial do mercado doméstico.
China Southern actualmente oferta 485 diarios dende o seu centro de Guangzhou e 221 dende o de Pequín. A aeroliña proporciona servizos a 65 destinos internacionais. A meirande parte destes unen Guangzhou con cidades de todo o mundo. Tamén ten moitos outros voos internacionais operado a través de Pequín, Urumchi (sobre todo cara Asia Central) e Dalian (cara ao Xapón, Corea do Sur e Rusia). China Southern Airlines desenvolveu unha extensa rede cara ao sueste asiático e tamén se converteu na aeroliña chinesa con maior presenza en Australia. China Southern está tamén considerando espandirse cara ao mercado suramericano, ademais de dirixirse cara ao africano.
Frota
[editar | editar a fonte]En novembro de 2018 a frota da China Southern Airlines estaba formada polos seguintes avións:[1][2]
Aeronave | En servizo | Ordes | Pasaxeiros | Notas | ||||
---|---|---|---|---|---|---|---|---|
F | C | W | Y | Total | ||||
Airbus A319-100 | 25 | — | — | 8 | 24 | 90 | 122 | 7 alugados a Chongqing Airlines
12 van ser vendidos a United Airlines en 2018-2019 |
Airbus A320-200 | 120 | 25 | 24 | 120 | 152 | 13 alugados a Chongqing Airlines
1 alugado á Real Forza Aérea de Cambodia 2 coa librea de SkyTeam 1 coa librea GAC-Mitsubishi Outlander | ||
Airbus A320neo | 13 | 87 | 4 | 138 | 166 | 24 arrendados a AerCap, equipados con PW1100G | ||
Airbus A321-200 | 99 | 6 | 12 | 143 | 179 | 3 coa librea SkyTeam | ||
Airbus A321neo | 12 | 38 | — | 4 | 24 | 167 | 195 | Entregas dende 2018 |
Airbus A330-200 | 10 | — | 4 | 24 | 47 | 142 | 217 | B-6057 coa librea dos Xogos Asiáticos de 2010 B-6528 coa librea de SkyTeam |
6 | — | 49 | 184 | 257 | ||||
Airbus A330-300 | 33 | 1 | 4 | 48 | 208 | 284 | B-5928 coa librea de SkyTeam | |
Airbus A350-900 | — | 20 | — | 28 | 24 | 262 | 314 | Serán entregados entre 2019 e 2022[3] |
Airbus A380-800 | 5 | — | 8 | 70 | — | 428 | 506 | |
Boeing 737-700 | 26 | — | — | 8 | 24 | 88 | 120 | |
— | 119 | 143 | ||||||
Boeing 737-800 | 165 | 1 | 8 | 132 | 164 | 3 coa librea de SkyTeam | ||
Boeing 737 MAX 8 | 21 | 59[4] | — | 4 | 24 | 150 | 178 | Entregas dende 2017 |
Boeing 777-300ER | 10 | 8[5] | 4 | 34 | 44 | 227 | 309 | |
Boeing 787-8 | 10 | — | 4 | 24 | — | 200 | 228 | |
Boeing 787-9 | 7 | 13 | ||||||
Comac C919 | — | 20 | — | |||||
Embraer E-190LR | 20 | — | — | 6 | — | 92 | 98 | Alugados a CLC |
Total | 582 | 278 |
- ↑ "China Southern Airlines Fleet | Airfleets aviation". www.airfleets.net. Consultado o 2018-12-01.
- ↑ "China Southern Airlines Fleet Details and History". www.planespotters.net (en inglés). Consultado o 2018-12-01.
- ↑ "China Southern orders 20 A350-900 aircraft". Air Transport World. Consultado o 2018-12-1.
- ↑ "China Southern places order for B777-300(ER), MAX 8s". ch-aviation (en inglés). Consultado o 2018-12-01.
- ↑ "China Southern to take 38 Boeing jets including 777s". Flightglobal.com (en inglés). 2017-10-20. Consultado o 2018-12-01.