Centro, Madrid

Centro, Madrid

Localización
40°24′55″N 3°42′27″O
Estado	España
Comunidade autónoma	Comunidade de Madrid
Concello	Madrid
Contén a división administrativa	Cortes Embajadores Justicia Palacio Sol Universidad
Poboación
Poboación	139.687 (2023) (26.717,99 hab./km²)
Xeografía
Superficie	5,2282 km²
Bañado por	Río Manzanares
Altitude	673 m
Comparte fronteira con	Arganzuela Salamanca Latina Retiro Chamberí Moncloa-Aravaca
Creación	4 de novembro de 1898
Organización política
Órgano executivo	Xunta Municipal do Distrito Centro
• Concelleiro presidente	Carlos Segura Gutiérrez (2023–)
Identificador descritivo
Código postal	28004, 28005, 28012, 28013, 28014 e 28015
Sitio web	madrid.es…

Centro é un distrito da cidade de Madrid. Ten unha superficie de 5,23 km² e conta con 139.687 habitantes.

Datos históricos

É o casco antigo da Villa, o seu núcleo principal e os seus primeiros desenvolvementos. Distínguense tres zonas: as primitivas murallas árabes, os arrabaldes fose delas e os barrios. A cidade, como praza forte, data do século XI. En 1561, Filipe II decide que pase a ser capital do Reino.

As actuacións urbanísticas intramuros ata 1850 dan lugar ás súas rúas, prazas e casas.

Os aparcamentos subterráneos e as zonas peonís constrúense a mediados do século XX.

Historia

O distrito Centro de Madrid é a zona máis antiga da cidade. A primeira constancia da existencia dun asentamento estable data da época musulmá. Na segunda metade do século IX, o emir de Córdoba Muhammad I (852–886) construíu unha fortaleza nun promontorio xunto ao río, no lugar que hoxe ocupa o Palacio Real, co propósito de vixiar os pasos da serra de Guadarrama e ser punto de partida de razzias contra os reinos cristiáns do norte; actualmente aínda se conservan algúns restos da muralla. Xunto á fortaleza desenvolveuse ao leste un pequeno arrabalde, que recibiu o nome de Maǧrīṭ ou Magerit. A excepción da muralla poucos edificios se conservan desta época.

A cidade pasou a mans cristiás en 1085, prosperando ata que en 1123 recibiu o título de vila. Filipe II decidiu instalar a corte en Madrid en 1561. Este feito foi decisivo para a evolución da cidade. A partir desta época construíuse gran parte dos edificios e monumentos máis antigos e que están situados no chamado Madrid dos Austrias que hoxe en día pertence a este distrito.

Coa chegada da ilustración a cidade superou os límites do actual distrito Centro; non obstante, a maioría dos novos monumentos seguiron construíndose nel. Foi o caso do Palacio Real ou a fonte de Cibeles. Os Borbóns, especialmente Carlos III, tiveron a fixación de converter Madrid nunha cidade á altura das novas vilas europeas, tomándose como modelo París. Así, fixeron grandes investimentos en infraestruturas, especialmente sumidoiros e edificios públicos.

Os séculos XIX e XX, coa chegada das democracias, a cidade seguiu crecendo. Co reinado de Isabel II construíuse o edificio do Congreso de Deputados, nas proximidades da Porta do Sol. A primeira organización da división administrativa de Madrid aprobou en 1898, co cambio dos cuarteis aos distritos administrativos, un destes distritos, esta o Centro.

O distrito Centro aloxa o edificio do goberno da Comunidade de Madrid, na Porta do Sol. Ata o ano 2007, no distrito tamén se localizaba o edificio do concello de Madrid na praza de la Villa. Actualmente sitúase no distrito de Retiro.

Demografía e división administrativa

Vista parcial do distrito dende o Círculo de Belas Artes.

Límites do distrito

Fachada da Casa de la Carnicería, sede da Xunta Municipal do Distrito Centro.

O distrito ten unha superficie de 523,73 ha e está delimitado en gran parte polas chamadas Rondas, ou primeiro anel.

Polo tanto o límite discorre polas roldas de Segovia, Toledo, Valencia e Atocha polo sur, cos distritos de Arganzuela e Latina; ao leste polo Paseo do Prado e de Recoletos ata a praza de Colón, lindando cos distritos de Retiro e Salamanca; polo norte polas rúas Génova, Sagasta, Carranza e Alberto Aguilera, co distrito de Chamberí e polo oeste polas rúas Princesa, Cuesta de San Vicente e Paseo de la Virgen del Puerto, co distrito de Moncloa-Aravaca.

Poboación

A poboación alcanza os 139.687 habitantes, dos que 38.676 son inmigrantes. Por barrios, os máis poboados son Embajadores con 46.204 habitantes e Universidad y Palacio, con 32.783 e 23.501 respectivamente (censo 2023).

O distrito acolle 63.622 hogares.

Barrios

Este distrito está dividido en seis barrios:

• Palacio
• Embajadores
• Cortes
• Justicia
• Universidad
• Sol

Rañaceos

O distrito Centro caracterízase por ter edificios de entre catro e seis andares, mais contén tres dos rañaceos máis antigos de España: o Edificio Telefónica, o edificio España e a Torre de Madrid.

Véxase tamén

Bibliografía

• Montero Alonso, José; Azorín García, Francisco; Montero Padilla, José (1997). Diccionario de Madrid (en castelán). Madrid: Rubiños. p. 512. ISBN 9788480410946. 

Ligazóns externas

• Información do distrito
• Actividades e eventos
• Direccións e teléfonos
• Publicacións e convocatorias
• Participación cidadá
• Información sobre os Plenos do distrito
• Retransmisión do Pleno en directo
• Galería de retransmisións do Pleno
• Programación cultural do distrito Centro