Cedro (foguete)
Cedro foi unha familia de foguetes espaciais líbaneses desenvolvidos ao principios dos anos 1960, ao principio de forma afeccionada e posteriormente co apoio do exército do país.[1][2]
Historia
[editar | editar a fonte]A orixe dos foguetes Cedro está na fundación por parte do profesor armenio-libanés Manoug Manougian dun club de foguetería na Universidade Haigazian en novembro de 1960. Manougian viña de obter un grao en física e matemáticas pola Universidade de Texas, volvendo ao Líbano para exercer de profesor na universidade.[3][4][5][6]
Afeccionado á foguetería, Manougian atopou que o club de foguetes comezou a ter popularidade, proporcionando algúns materiais básicos aos estudantes para comezar con probas rudimentarias e mellorando mediante o sistema de proba e erro. En abril de 1961 o club construíu un foguete que chegou aos 1000 m de altura, co seguinte chegando aos 2000 m. Nese punto o grupo atrouxo a atención dos militares, quen lles ofreceron os servizos do tenente Ioussef Wehebe, especializado en balística, e poder facer os lanzamentos nunha área segura, un antigo campo de tiro sen risco para edificios civís. Baixo a axuda dos militares o grupo tivo acceso a materiais máis adecuados para construír foguetes, con Manougian sempre declarando que a súa finalidade era puramente científica e educativa.[1][2][3][4][5][6]
Despois dunha recepción na que o presidente Fuad Chehab asegurou fondos limitados para o proxecto, o club foi renomeado Sociedade de Foguetes Libanesa, e os foguetes comezaron a usar o nome de Cedro. En abril de 1963 o foguete Cedro IV chegou a unha altura de 145 km, rebasando a fronteira do espazo. Nese punto o exército tiña un interese máis práctico nos foguetes de Manougian, quen comezou a recibir algunhas ofertas doutros países veciños, declinando sempre ao sospeitar unha intención militar tras os intentos de contratalo. O proxecto comezou a declinar en xullo de 1964, tras un accidente no que dous estudantes resultaron feridos ao tratar un deles de preparar un foguete sen a supervisión de Manougian. O último lanzamento dun Cedro tivo lugar en 1966 e case acaba en accidente ao estar a punto de impactar nun buque británico que monitorizaba o lanzamento.[1][2][3][4][5][6]
Coa Guerra dos Seis Días de 1967 e a posterior guerra civil no Líbano o proxecto finalizou e caeu no esquecemento, sen ter ningún tipo de continuidade.[1][2][3][4][5][6]
Historial de lanzamentos
[editar | editar a fonte]| Foguete[1][2][4] | Data[1][2][4] | Notas |
|---|---|---|
| Cedro 1 | Abril de 1961 | Primeiro voo exitoso dun Cedro. |
| Cedro 2 | Maio de 1961 | |
| Cedro 2A | Primeiro voo exitoso dun Cedro de dúas etapas. | |
| Cedro 2B | ||
| Cedro 2C | ||
| Cedro 3 | 21 de novembro de 1962 | Primeiro voo exitoso dun Cedro de tres etapas. |
| Cedro 4 | 21 de novembro de 1963 | |
| Cedro 5 | ||
| Cedro 6 | 22 de setembro de 1964 | Foguete dunha soa etapa. |
| Cedro 7 | 12 de maio de 1966 | Foguete de dúas etapas. |
| Cedro 8 | 4 de agosto de 1966 | Foguete de dúas etapas, chegando a 110 km de altura. Último lanzamento dun Cedro. |
Notas
[editar | editar a fonte]- ↑ 1,0 1,1 1,2 1,3 1,4 1,5 Mark Wade (2022). "Cedre 3" (en inglés). Consultado o 28 de novembro de 2022.
- ↑ 2,0 2,1 2,2 2,3 2,4 2,5 Mark Wade (2022). "Cedre 4" (en inglés). Consultado o 28 de novembro de 2022.
- ↑ 3,0 3,1 3,2 3,3 Richard Hooper (14 de novembro de 2013). BBC World Service, ed. "Lebanon’s forgotten space programme" (en inglés). Consultado o 28 de novembro de 2022.
- ↑ 4,0 4,1 4,2 4,3 4,4 4,5 Norbert Brügge. "Lebanon's forgotten "Cedar" rocket program" (en inglés). Arquivado dende o orixinal o 16 de setembro de 2019. Consultado o 28 de novembro de 2022.
- ↑ 5,0 5,1 5,2 5,3 M PARK (abril de 2011). Esquire, ed. "WE CHOOSE TO GO TO THE MOON" (PDF) (en inglés). Consultado o 28 de novembro de 2022.
- ↑ 6,0 6,1 6,2 6,3 Universidade Haigazian, ed. (2022). "HU produced the 1st rockets shot in the Arab world" (en inglés). Consultado o 28 de novembro de 2022.