Carolina Panthers

Carolina Panthers
	Fundado en 1993; Sede en Charlotte, NC
	Wordmark dos Carolina Panthers
	Wordmark
Afiliacións de Liga/Conferencia
	National Football League (1995–presente) NFC (1995−presente) NFC Oeste (1995−2001); NFC Sur (2002−presente); ;
	Uniforme actual
Cores	Negro, azul, prata, branco
Mascota	Sir Purr
Cadro de persoal
Propietario(s)	Jerry Richardson
Presidente	Danny Morrison
Director xeral	Dave Gettleman
Adestrador	Ron Rivera
Historia
	Carolina Panthers (1995–presente);
Campionatos
	Títulos de Liga (0);
	Conferencia (2) NFC: 2003, 2015;
	División (6) NFC Oeste: 1996; NFC Sur: 2003, 2008, 2013, 2014, 2015;
Estadios
	Memorial Stadium (1995); Bank of America Stadium (1996–presente);

Os Carolina Panthers son un equipo profesional estadounidense de fútbol americano con sede na cidade de Charlotte, Carolina do Norte. Compiten na National Football League (NFL) como membros da División Sur da National Football Conference (NFC). Con grande apoio nas "Carolinas" (Carolina do Norte e do Sur), os Panthers xogan desde 1996 os seus partidos como local no Bank of America Stadium. Este estadio é propiedade do franquía, o que os converte nun dos poucos equipos da NFL que son propietarios do mesmo. Antes de xogar en Charlotte, na primeira temporada do equipo, disputaron os seus partidos como local en Clemson, Carolina do Sur. A franquía, que ten un valor aproximado de 1.056 millóns de dólares,^[1] é dirixida polo fundador do equipo, Jerry Richardson, e a súa familia, os cales posúen un 48% de participación.

Os Panthers naceron como a vixésimo novena franquía da NFL en 1993, o que os converte nun dos equipos máis novos da competición. Comezaron a xogar en 1995, conseguindo no seu primeiro ano o mellor rexistro de vitorias para un equipo de expansión: sete vitorias por nove derrotas, mellorando o seguinte ano até acadar 12 e gañar a súa división. Con todo, acabarían perdendo na final de conferencia ante os Green Bay Packers. Tras varias temporadas con máis derrotas que triunfos, en 2003 conseguen, esta vez si, gañar o título da NFC e conseguir o pase para diputar a Super Bowl XXXVIII, onde perderon por 32–29 ante os New England Patriots. Os de Carolina volverían a disputar a Super Bowl en 2015, aínda que de novo sen éxito tras perder ante os Denver Broncos.