Azur Air
| Azur Air Азур Эйр | ||
|---|---|---|
 | ||
| IATA ZF | OACI KTK | Indicativo AZUR AIR |
| Fundación | 1992 (como Katekavia) | |
| Aeroporto principal | Moscova-Domodedovo | |
| Subsidiarias | Azur Air Germany Azur Air Ukraine | |
| Frota | 21 | |
| Holding | Anex Tourism Group | |
| Páxina web: http://www.azurair.com | ||
Azur Air, anteriormente Katekavia, é unha aeroliña chárter e antiga aeroliña rexional rusa. Inicialmente estivo baseada no aeroporto de Krasnoyarsk Cheremshanka, o aeroporto doméstico que serve á cidade de Krasnoyarsk, e todos os seus destinos atopábanse dentro do krai de Krasnoyarsk. No presente serve principalmente destinos de vacacións dende Moscova-Domodedovo, ademais dalgúns domésticos.
Historia
[editar | editar a fonte]A aeroliña iniciou as súas operacións en 1995 realizando voos rexionais dende os aeroportos de Krasnoyarsk Cheremshanka e de Krasnoyarsk-Yemelyanovo.[1] A compañía tamén operaba servizos chárter cara Siberia e Iacutia.
NO ano 2010 transportou a uns 122 000 pasaxeiros,[2] e no ano 2010 comezou a mercar avións máis grandes, principalmente Tupolev Tu-134. En abril de 2014 a aeroliña tiña tres avións deste tipo na súa frota.[1] Nese mesmo mes a aeroliña comezou a operar voos regulares entre Krasnoyarsk-Yemelyanovo e as cidades siberianas de Surgut e Tomsk.
En 2015 Katekavia foi rebautizada como Azur Air e converteuse nunha aeroliña de vacacións. No mes de decembro confirmouse que o seu antigo propietario, UTair Aviation, vendera Azur Air á compañía turística turca Anex Tourism Group,[3] que tamén marcara Azur Air Ukraine, a antiga UTair-Ukraine, unhas semanas antes.[3]
En febreiro de 2018 a autoridade rusa de aviación civil, Rosaviatsia, anunciou que Azur Air enfrontábase a unha suspensión da súa licenza operacional o 20 de marzo se a aeroliña non solucionaba algunhas presuntas violacións de seguridade. Debido a isto a axencia de turismo rusa Rozturizm advertíu aos turoperadores que non vendesen billetes da aeroliña.[4]
Frota
[editar | editar a fonte]
En abril de 2018 a frota de Azur Air estaba formada polos seguintes avións:[5]
| Avión | In Service | Padidos | Pasaxeiros | Notas |
|---|---|---|---|---|
| Boeing 737-800 | 6 | — | 189 | |
| Boeing 757-200 | 8 | — | 238 | |
| Boeing 767-300ER | 7 | — | 336 | |
| Total | 21 | |||
Notas
[editar | editar a fonte]- ↑ 1,0 1,1 Russian Planes (ed.). "Azur Air (Катэкавиа)". Consultado o 21 de maio de 2018.
- ↑ Sputnik (ed.). "Death toll in Russia's East Siberia airliner crash rises to 12 (Update-4)". Consultado o 21 de maio de 2018.
- ↑ 3,0 3,1 ch-aviation (ed.). "Russia's UTair Group offloads Azur Air unit to Turkey's ATG". Consultado o 21 de maio de 2018.
- ↑ ch-aviation (ed.). "Russia's tourism body warns against selling Azur Air tickets". Consultado o 21 de maio de 2018.
- ↑ Planespotters (ed.). "Azur Air Fleet Details and History". Consultado o 21 de maio de 2018.
