Aerodramus ocistus

Aerodramus ocistus é unha especie de ave da subclase das neornites, infraclase dos neognatos, orde dos apodiformes, familia dos apódidos e tribo dos colocaliinos (que comprende as salanganas), unha das vinte e seis integradas hoxe no xénero Aerodramus, endémica das illas Marquesas, na Polinesia Francesa.

Taxonomía

Descrición

A especie foi descrita en 1906 polo ornitólogo estadounidense Harry Church Oberholser, co nome de Collocalia ocista, en Proceedings of the Academy of Natural Sciences of Philadelphia 58: 179-184.

Variacións taxonómicas

Inicialmene clasificada dentro do xénero Collocalia, descrito en 1840 por George Robert Gray e, máis tarde, en Aerodramus, que describira Oberholser en 1906.

Etimoloxías

Para a do xénero, ver Aerodramus.

O epíteto específico, ocistus, está tirado do grego antigo ὠκύστος, ōkýstos, superlativo de ὠκύς, ōkýs, "rápido", "veloz", aludindo á rapidez do voo desta salangana.

Sinónimos

Ademais de polo nome válido actual, a especie coñeceuse tamén polo sinónimo:

• Collocalia ocista Oberholser, 1906 (protónimo).

Nome vulgars

Na maioría dos idiomas a especie coñécese vulgarmente como salangana das Marquesas.

Subespecies

Na actualidade recoñécense nesta especie, as dúas subespecies seguintes:

• Aerodramus ocistus (Oberholser, 1906)
  • Aerodramus ocistus gilliardi (S. Somadikarta, 1994) - sur das Marquesas. (Uapou, Hivaoa e Tahuata).
  • Aerodramus ocistus ocistus (Oberholser, 1906) - norte das Marquesas. (Eiao, Nukuhiva e Uahuka).

Distribución e hábitat

Esta especie, como quedou dito, é un endemismo das illas Marquesas.

O seu hábitat natural son os bosques tropicais e subtropicais húmidos de monte raso, onde se alimentan de insectos que apañan en voo, como é habitual nas salanganas. E, como todas elas, descansan e aniñan en covas.

Estado de conservación

A Unión Internacional para a Conservación da Natureza e dos Recursos Naturais avalía o status da especie como LC (pouco preocupante).^{[Cómpre referencia]}

Véxase tamén

Bibliografía

• Phil Chantler (1995): Swifts: A Guide to the Swifts and Tree Swifts of the World. Mountfield, East Sussex, UK: Pica Press. ISBN 978-0-3000-7936-4.
• Joseph del Hoyo, Andrew Elliot e Jordi Sargatal, eds. (1999): Handbook of the Birds of the World. Volume 5: Barn-owls to Hummingbirds. Barcelona, España: Lynx Edicions. ISBN 978-84-8733-425-2.
• Josep Del Hoyo, Nigel J. Collar, David A. Christie, Andrew Elliott e Lincoln D. C. Fishpool (2014): HBW and Birdlife International Illustrated Checklist of the Birds of the World, Volume 1 Non-Passerines. Barcelona, España: Lynx Edicions. ISBN 978-84-8733-410-8.

Outros artigos

• Apodiformes
• Apódidos
• Colocaliinos
• Aerodramus

Ligazóns externas

• Aerodramus ocistus. Marquesan swiftlet na ADW.
• Marquesan Swiftlet. Aerodramus ocistus (Oberholser 1906) na EOL.
• Salangana de las Marquesas. Aerodramus ocistus (Oberholser, 1906) en AviBase.