Xeodesia

A Xeodesia, é a disciplina científica que se ocupa das medidas e representación da Terra, o seu campo gravitatorio e fenónemos xeodinámicos, nun espazo en tres dimensións de tempo variable.

A xeodesia ocúpase principalmente do posicionamento e o campo gravitatorio e os aspectos xeométricos das suas variacións temporais, ainda que pode tamén incluir o estudio do campo magnético terrestre.

A forma da Terra é en gran medida o resultado da súa rotación, que causa un abultamento ecuatorial, e a competición de procesos xeolóxicos coma a colisión de placas tectónicas e o vulcanimso, ós que se resiste ó campo gravitatorio da terra. Isto aplícase á superficio sólida (oroxenia; poucas montañas son máis altas de 10 km, poucas subduccións submarinas son máis profundas ca iso.) De forma simplificada, unha montaña tan alta coma, por exemplo, 15 km, produciría unha presión na súa base tan grande, debido á gravidade, que a roca pasaría a estado plástico, e a montaña retrocedería a unha altura duns 10 km en un tempo xeolóxico insignificante. (En Marte, cunha gravidade superficial menor, o volcán máis grande, o monte Olimpo, ten 27 km de altura, unha altura que non podería manter na Terra.) A gravidade afecta de forma similar á superficie líquida e á atmosfera terrestre. Por esta razón, o estudio do campo gravitatorio da Terra é considerado como unha parte da xeodesia, chamada xeodesia física.