Daisy von Pless
 (1898)  | |
| Beathaisnéis | |
|---|---|
| Breith | 28 Meitheamh 1873 Castell Rhuthun, Wales |
| Bás | 29 Meitheamh 1943 70 bliana d'aois Wałbrzych, An Pholainn |
| Gníomhaíocht | |
| Gairm | altra, péiceallán |
| Teangacha | Béarla agus an Ghearmáinis |
| Eile | |
| Teideal uasal | Banphrionsa |
| Teaghlach | Teaghlach Hochberg |
| Céile | Hans Heinrich XV (1891–) |
| Páiste | Count Bolko von Hochberg, Baron zu Fürstenstein (en)  , Hans Heinrich XVII, Aleksander Hochberg |
| Athair | William Cornwallis-West agus Patsy Cornwallis-West |
| Siblín | George Cornwallis-West agus Constance Lewis |
Bhí Daisy von Pless (Mary Theresa Olivia; née Cornwallis-West; 28 Meitheamh 1873 – 29 Meitheamh 1943) ina péiceallán nótáilte sa tréimhse Éadbhardach, agus le linn a pósta ina ball de cheann de na teaghlaigh uaisle Eorpacha is saibhre. Bhí Daisy agus a fear céile an Prionsa Hans Heinrich XV ina n-úinéirí ar eastáit mhóra agus ar mhianaigh ghuail sa tSiléis (anois sa Pholainn) a thug lear mór airgid do na Hochberg.
Luathshaol
[cuir in eagar | athraigh foinse]
Rugadh Mary Theresa Olivia Cornwallis-West i gCaisleán Ruthin i Sir Ddinbych, an Bhreatain Bheag, ba iníon í leis an gCor. William Cornwallis-West (1835 -1917) agus a bhean chéile, Mary "Patsy" FitzPatrick (1856 -1920). Fionnó athairlíneach de chuid John West, 2ú Iarla De La Warr, ab ea a hathair. Ba iníon í a máthair leis an Urramach Frederick FitzPatrick, de shliocht Barnaby Fitzpatrick, 1st Barún Osraí Uachtarach (agus dá bhrí sin Ríthe Osraí) agus leis an mBantiarna Olivia Taylour, iníon le 2ú Marcas Cheanannais.
Bhí a deirfiúr Constance ina háilleacht chlúiteach agus ina bean chéile freisin ar dhuine de na fir ba shaibhre ar domhan, Hugh Grosvenor, 2ú Diúc Westminster agus ba é a ndeartháir George Cornwallis-West an dara fear céile a bhí ag an mBantiarna Randolph Churchill, máthair Sir Winston Churchill.
Pósadh
[cuir in eagar | athraigh foinse]Phós Daisy Hans Heinrich XV von Hochberg ag Eaglais Naomh Maighréad i Westminster ar 8 Nollaig 1891. Mar sin féin, toisc go raibh an teaghlach Cornwallis-West ar an ngannchuid, bhí ar na Hochberg an bhainis a eagrú. agus íoc as. I measc na bhfinnéithe suntasacha bhí Éadbhard, Prionsa na Breataine Bige (Rí Éadbhard VII ina dhiaidh sin) agus a bhean chéile Banphrionsa Alexandra na Danmhairge.
