Jump to content

Coimisinéir na Breatnaise

Ón Vicipéid, an chiclipéid shaor.

Cuthaíodh dualgais Choimisinéir na Breatnaise i mBeart na Breatnaise (An Bhreatain Bheag) 2011, (Breatainis: Mesur y Gymraeg (Cymru) 2011,a tháinig i bhfeidhm an 1 Aibreán 2012 ) , agus é mar aidhm úsáid na Breatnaise a chur chun cinn agus a éascú.[1]. Is éard atá i gceist leis seo feasacht a mhúscailt faoi stádas oifigiúil na Breatnaise sa Bhreatain Bheag agus trí chaighdeáin a fhorchur ar eagraíochtaí.[2] Mar thoradh air seo, bunófar cearta do chainteoirí Breatnaise dá bharr.

De réir shuíomh Gréasáin an Choimisinéara, tá dhá phrionsabal atá mar bhonn agus taca le hobair an Choimisinéara, eadhon:

Níor chóir caitheamh leis an mBreatnais le níos lú fabhar ná an Béarla sa Bhreatain Bheag

Ba cheart go mbeadh daoine in ann a saol a chaitheamh sa Bhreatain Bheag trí mheán na Breatainise más mian leo.

Tá obair an Choimisinéara neamhspleách go polaitiúil. Ba é Meri Huws an chéad Choimisinéir,[3] agus tháinig Aled Roberts i gcomharbacht uirthi an 31 Márta 2019.[4]

Ról an Choimisinéara Féadfaidh an Coimisinéir aon rud a dhéanamh a mheasann sé nó sí a bheith iomchuí chun:

  • Úsáid na Breatnaise a chur chun cinn
  • Úsáid na Breatnaise a éascú
  • Oibrigh lena chinntiú nach gcaitear leis an mBreatnais seo ar shlí nach bhfuil chomh fabhrach leis an tslí a gcaitear leis an Bhéarla.

Áirítear leis seo deiseanna a chur chun cinn chun an Bhreatnais a úsáid agus an cleachtas is fearr in úsáid na Breatnaise a spreagadh ag daoine a phléann le daoine eile, nó a sholáthraíonn seirbhísí do dhaoine eile. Cuimsíonn réimsí a chuid nó a cuid oibre saincheisteanna dlí freisin, tuarascálacha, taighde, gníomhaíochtaí oideachais agus moltaí i scríbhinn a ullmhú agus a fhoilsiú d’Airí Rialtas na Breataine Bige. Is féidir leis an gCoimisinéir comhairle a thabhairt do dhaoine freisin.

Féach freisin

  • Deddf Cynulliad Cenedlaethol Cymru (Ieithoedd Swyddogol) 2012

Naisc sheachtracha

[cuir in eagar | athraigh foinse]


Tagairtí

  1. ↑ Aim of the Welsh Language Commissioner. http://www.comisiynyddygymraeg.org/English/Commissioner/Pages/Aim.asp[nasc briste go buan]
  2. ↑ Welsh Language Commissioner (Wales). https://languagecommissioners.org/members.php?id=9
  3. ↑ Language board chief Meri Huws is Welsh commissioner.https://www.bbc.com/news/uk-wales-politics-15186747
  4. ↑ Aled Roberts to be appointed new Welsh Language Commissioner.. Welsh Government. Retrieved 29 January 2019. https://gov.wales/newsroom/welshlanguage/2018/aled-roberts-to-be-appointed-new-welsh-language-commissioner/?lang=en
Aisghafa ó "https://ga.wikipedia.org/w/index.php?title=Coimisinéir_na_Breatnaise&oldid=1108739"