Jules Jeanjaquet

Cél articllo est ècrit en arpetan supradialèctâl / ORB lârge.

Jules Jeanjaquet (vegnu u mondo lo 19 de fevriér 1867 u Lôcllo et môrt lo 9 d’avril 1950 a Nôchâtél) est un lengouisto, lèxicologo et dialèctologo suisso et arpetan.

Biografia

Il at ètudiâ a Bèrna et a Tsurique la lengouistioca des lengoues romanes et pués los patouès romands, que sont surtot des dialèctos de la lengoua arpetana.

Dês 1899, il at travalyâ ux Arch·ives cantonèles de Nôchâtél, et de 1901 tant qu’en 1931 il est professor de l’Univèrsitât de Nôchâtél.

Avouéc Louis Gôchat et Ernest Tappolet il at fondâ lo « Gllossèro des patouès de la Suisse romanda », un enstitut por ècrire un gllossèro complèt des patouès romands.

(fr) « Recherches sur l’origine de la conjonction «que» et des formes romanes équivalentes », 1894.
(fr) « L’extension du français et la question des langues en Suisse. Bibliographie analytique », 1910.
(fr) « Histoire et grammaire des patois de la Suisse romande. Bibliographie analytique », 1915.
(fr) ; Vingt-cinq textes patois du Valais enregistrés au gramophone. Transcription phonétique et traduction française », 1929-1938.