Daniel Gordo
| Daniel Gordo Rodríguez | ||
|---|---|---|
 Daniel Gordo Rodríguez en 2023 | ||
| Enhormación pressonal | ||
| Nacencia |
21 de junio de 1976 (48 años) Fráncfort del Meno (Alemaña, Alemania Occidental) | |
| Lengua materna | Estremeñu | |
| Educación | ||
| Educau en | Universidad Nacional de Educación a Distancia (Geografía e Historia) | |
| Enhormación profissional | ||
| Cargus acupaus | Presidente de OSCEC (desde 2018) | |
Daniel Gordo Rodriguez (Frankfurt am Main, Alemaña, 21 de juñu del 1976) es el presienti de l'OSCEC dendi'l 2018 i un grandi defendeol de l'estremeñu, purtugués raianu i a fala que sonin las luengas romancis palrás n'Estremaúra.
Biografía
[Edital | Editá'l códigu]Tuvu la su nacencia en Frankfurt am Main (Alemaña) nel 1976, pos los sus pairis eran emigrantis i vivían i trebajavan pallí. Endispués golvió pa España, vivió en Mairil i Valencia'l Cid, aondi hizu la su hormación académica. Enos branus diva de quinzena pa Galicia conos su agüelus gallegus, qu'eran los pairis dela su mairi i palravan gallegu i aluspués pala Estremaúra conos sus agüelus estremeñus del puebru de Montanchi, qu'eran los pairis del su pairi i que palravan mal, porque assina se izía antoncis alos que palravan estremeñu i sigún le izían, por essu no diva a entendel-lus a nengunu d'ellus. D'aí el su preiteal polas luengas romancis comu'l gallegu, l'estremeñu, a fala o el purtugués raianu.[1]
Tié los sus estuyus d'Inginiería, qu'entavía no á acabijau i un grau de Geografía i Estoria pola Uned. S'espressa en cincu idiomas i la su esperencia profissional está nel ámbitu del comerciu entrenacional. Nel 2018 se arrejuntó comu ativista social i coltural i amás hue el Secretariu d'Organización de Extremeños que es un partíu politicu delas isquierdas, cona entención de que Estremaúra dexi de sel una tierra rica de genti probi. Ara mesmu vivi ena Estremaúra dendi'l 2011 i dendi antoncis s'á apricau ala envestigación i esparigil coltural.[2] [3]
Mesmu assina, ara es el presienti de l'OSCEC dendi'l 2018 i dendi entocis s'acorríu Estremaúra dandu chalras a tentu l'estremeñu i la su coltura. Enos primel añus delas chalras enos puebrus, hue cona calavoración de ca ayuntamientu i l'Oscec, peru aluspués á síu cona calavoración amás de conos ayuntamientus, conos organismus oficiais estremeñus, comu las Deputacionis estremeñas.[4]
Nel añu 2023 i mas essatu el ventisseis d'otubri, tamién hizu la primel chalra ena nuversidá d'Estremaúra ena Facultá d'Educación i Sicología de Badajós, con una mu grandi acetación polos estuyantis dela Uex.[5]
Referencias
[Edital | Editá'l códigu]- ↑ Morrón, Lucía Montero (1 de octubre de 2023). «Daniel Gordo: «No hablamos mal castellano, es extremeño»». El Periódico Extremadura. Consultado el 31 de deziembri del 2023.
- ↑ «Daniel Gordo: "Como estrategia, la izquierda extremeña debe introducir en el discurso la perspectiva extremeñista"». www.elsaltodiario.com (en local). Consultado el 31 de deziembri del 2023.
- ↑ Avuelapluma (18 de mayo de 2015). «Daniel Gordo, Candidato de eXtremeños: “El legado del PP es una Extremadura y un Cáceres a la deriva; sin proyecto”». Avuelapluma. Consultado el 31 de deziembri del 2023.
- ↑ "Las lenguas de Extremadura" por Daniel Francisco Gordo Rodríguez y Juan Reina Raposo. 18/10/23 (en inglés), consultado el 31 de deziembri del 2023.
- ↑ Núñez, Celia Gálvez (7 de octubre de 2023). «Arturo Pérez-Reverte critica una actividad de lenguas extremeñas de la UEx y desata la polémica». www.epe.es. Consultado el 31 de deziembri del 2023.
Atijus p'ahuera
[Edital | Editá'l códigu]
En Commons ai conteníu multimedia sobre Daniel Gordo.- Web Oscec
- Dizionariu en Liña
