Willi Heinrich
Willi Heinrich | |
---|---|
Bizitza | |
Jaiotza | Heidelberg, 1920ko abuztuaren 9a |
Herrialdea | ![]() |
Heriotza | Dobel, 2005eko uztailaren 12a (84 urte) |
Hezkuntza | |
Hizkuntzak | alemana |
Jarduerak | |
Jarduerak | idazlea |
Zerbitzu militarra | |
Gradua | Oberschütze (en) ![]() |
Parte hartutako gatazkak | Bigarren Mundu Gerra |
willi-heinrich.de | |
![]() ![]() ![]() ![]() | |
![]() |
Willi Heinrich (Heidelberg, Alemania, 1920ko abuztuaren 9a - Dobel, 2005eko uztailaren 12a) alemaniar idazlea izan zen.
Biografia
[aldatu | aldatu iturburu kodea]Bigarren Mundu Gerran ekialdeko frontean ibili zen. Gerra bukatuta eleberriak idazten hasi zen. 1954an, Baden-Badenera joan zen bizitzera, eta harrezkero idazten hasi zen buru-belarri. Bere lehen eleberrian gerraz, gerratik etxerako itzuleraz eta emigrazioaz hitz egiten zuen batez ere, baina 1960ko hamarraldian, giza harremanen alderdi erotikoetara bildu zuen arreta osoa, arazo politikoen eta sozialen oinarri gisa hartuta.
Bere lehen eleberrian Das geduldige Fleisch (1955, Haragi pairatsua) gerrako izugarrikeriak kontatu zituen, eta arrakasta handia izan zuen; Sam Peckinpah zuzendariak Steiner filma egin zuen Heinrichen eleberri horretan oinarri hartuta. Gerrari buruzkoak dira, baita ere, Der goldene Tisch (1956, Urrezko mahaia), Die Gezeichneten (1958, Markatuak) eta Alte Häuser sterben nicht (1960, Etxe zaharrak ez dira hiltzen) eleberriak. Gainerako obrak denbora-pasako eleberriak dira, hizkuntza askotara itzuliak eta arrakasta itzela izandakoak: Schmetterlinge weinen nicht (1969, Tximeletek ez dute negarrik egiten), So long, Archie (1972), Eine Handvoll Himmel (1976, Zeru puska bat) eta Zeit der Nymphen (1987, Ninfa garaia).
Kanpo estekak
[aldatu | aldatu iturburu kodea]- (Alemanez) Willi Heinrichen webgune ofiziala
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.