Trintxerpe

Trintxerpe
Euskal Herria
Trintxerpeko ikuspegia Escalerillas eremutik ikusita.
Kokapena
Herrialdea	Gipuzkoa
Udalerria	Pasaia
Geografia
Koordenatuak	43°19′24″N 1°55′49″W

Trintxerpe Gipuzkoako Pasaia udalerriko barruti bat da. Gaur egun, Trintxerpeko zati handiena Pasaiarena da, baina beste zati txiki bat Donostiaren menpean dago, hain zuzen ere, Azkuene kalea bi udalerrien arteko muga da.

Pasaiako portuaren mendebaldean kokatuta dago, Pasai San Pedro, Donostiako Miracruz-Bidebieta auzoa eta Ulia mendiaren artean.

Izena

Izena garai batean bertan zegoen Trintxer baserritik datorkio, honi euskarazko -pe atzizkia gehitu zitzaiolarik (Iruñeko Arrotxapea auzoa bezala), hots, Trintxer baserriaren pean, auzo honetara iritsitako galiziar arrantzaleak bizitzen jarri ziren aurreneko etxebizitzen blokea Trintxer baserriaren azpiko lursailetan eraiki baitzen.

Historia

XX. mendearen hasieran barruti hau nagusiki baserri giroko eremua zen. Baina XX. mendearen erdialdera hirigunea gaur egungo Euskadi etorbidean barna hedatzen joango da, bertan auzoguneko lehenbiziko etxebizitzak eraikitzen hasi zirelarik, honela industria eta arrantza jardueren garapenarekin bat Euskal Herritik kanpo etorritako langileak iritsi ziren, batik bat Galiziakoak.

Demografia

2007ra arte, Pasai San Pedroko biztanle modura zenbatzen zen Trintxerpeko jendea.

Trintxerpeko biztanleria

Eraikinak

• Karmengo eliza
• Andonaegi jauregia

Euskara

Trintxerpeko Emilio Olasagastiren testigantza. Barrutiari izena eman dion "Tritxer" baserrikoa. Pasaian euskarak emandako beherakadaren inguruan jarduten du pasartean. Euskal Herriko Ahotsak proiekturako egindako elkarrizketa, ahozko ondarea jaso eta zabaltzeko.

Gipuzkeraren barne dagoen Bidasoko hizkera da Pasaiako bertako euskara. Bidasoko hizkerak erdialdeko euskararen, nafar euskararen eta nafar-lapurtarraren tarteko hizkeratzat har daitezke. Hala ere, inguru horretan azkenaldian erdialdeko euskararen ezaugarriak nagusitzen eta gehiago zabaltzen ari dira. Pasaiaz gain, Errenteria, Lezo, Oiartzun, Hondarribia eta Irun ere kokatzen dira hizkera honetan.

Ondarea

• Karmengo eliza

Arraunketa

Auzoko taldeak gaur egun Illunbe-Trintxerpe izena dauka.

Galiziar komunitatea

Sakontzeko, irakurri: «Galizia» eta «Galiziar»

Trintxerpek galiziarrez osatutako komunitate handia dauka, Euskal Herria osoko handienetarikoa. Bilgune "Fato Cultural Galego Daniel Castelao" izeneko elkartea dute.

Jaiak

• Maiatzaren 17a, Día das Letras Galegas - Galizierazko Letren Eguna
• Uztailaren 16a, Karmenak

Herritarrak

• Gotzon Egia (1958-), euskal idazlea.
• Xabier Etxaniz Rojo (1971-), euskal idazlea.
• Javier Jacinto (1968-), musikagilea eta orkestra zuzendaria.

Iruditegia

• 
  Andonaegi jauregia (1920 inguruan).
• 
  Karmengo eliza.
• 
  Pasaiako portuko garabia eta atzealdean Trintxerpe.
• 
  Trintxerpeko etxebizitzak.
• 
  Trintxerpeko etxebizitzak.
• 
  Nor-nai plaza (Donostia)

Kanpo estekak

Euskarazko Wikipedian bada atari bat, gai hau duena: Gipuzkoa

• (Galizieraz)(Gaztelaniaz)Fato Castelaoren bloga

• Datuak: Q12268206
• Multimedia: Trintxerpe / Q12268206