St. Martin-in-the-Fields
St. Martin-in-the-Fields | |
---|---|
Ondasun Ingelesa | |
Kokapena | |
Estatu burujabe | ![]() |
Herrialdea | ![]() |
Ingalaterrako eskualdea | Londresko eskualdea |
Ingalaterrako konderri zeremoniala | Londres Handia |
Londresen banaketa administratiboa | Westminster Hiria |
Koordenatuak | 51°30′32″N 0°07′37″W / 51.508888888889°N 0.12694444444444°W |
![]() | |
Historia eta erabilera | |
Irekiera | 1722 |
Izenaren jatorria | Martin Tourskoa |
Erlijioa | anglikanismoa |
Elizbarrutia | Diocese of London (en) ![]() |
Izena | Martin Tourskoa |
Arkitektura | |
Arkitektoa | James Gibbs |
Estiloa | Neogreziar arkitektura Georgian architecture (en) ![]() |
Ondarea | |
Ondare Ingelesa | 1217661 |
Webgune ofiziala | |
St. Martin-in-the-Fields (euskaraz, San Martin zelaietakoa) Ingalaterrako Londres hiriburuan dagoen eliza anglikano ezaguna da. Trafalgar Square enparantzan dago, National Galleryren ekialdean, Charing Cross Road kalearen muturrean. San Martin Tourskoaren izena darama.
Historia
[aldatu | aldatu iturburu kodea]2016 urtean egindako indusketek k.o. 410 urteko hilobia azaleratu dute. Berezia da, izan ere Londres erromatarraren mugetatik kanpo baitago.
Eliza baten aipamen zaharrena 1222 urteko agiri batean aurkitzen da, Westminsterreko Abadiaren esku uzten dela esaten da bertan. 1542an Henrike VIII.ak berreraiki egin zuen. Garai hartatik dagokio in-the-Fields ezizena, izan ere Westminster eta Londres arteko zelaietan isolaturik baitzegoen.
XVIII mendearen hasieran eliza egoera oso kaskarrean zegoen, hala hormak, nola teilatua, eta 1720an Parlamentuak erabaki zuen eliza konpontzea eta 22.000 liberako dirulaguntza eman zuen horretarako. James Gibbs arkitektuak hartu zuen berria eraikitzeko ardura eta 1721 eta 1726 artean burutu ziren lanak. Hasiera batean oso kritikatua izan zen eliza berriaren itxura baina munduko beste tokietan antzekoa eraikitzean fama handia hartu zuen. 1820 hamarkadan Trafalgar Square enparantza eraiki zen eta orduan eraikin ugari altxatu ziren elizaren alboan.
Arkitektura
[aldatu | aldatu iturburu kodea]Oinarri errektangularra dauka elizak, eta habearteak zutabe korintiarren arkuez banaturik daude.
Kanpoaldetik portiko klasiko bat du, tenplo greziar baten estilora eraikia aurrean sei zutabe korintiar dituelarik. Kanpandorre bakarra du 59 metrotako altuera duena. Goian hamabi kanpai ditu.
Iruditegia
[aldatu | aldatu iturburu kodea]-
Elizaren ikuspegia.
-
National Gallery eta St. Martin-in-the-Fields.
-
Trafalgar Squareko iturria.
-
Barnealdea.
-
Barnealdea.
Informazio praktikoa
[aldatu | aldatu iturburu kodea]Kanpo estekak
[aldatu | aldatu iturburu kodea]- (Ingelesez) Webgune ofiziala