San Isidoro basilika

San Isidoro basilika
UNESCOren gizateriaren ondarea Kultura ondasuna
Frantses bidea Leóngo probintzian
Irudi gehiago
Kokapena
Estatu burujabe	Espainia
Autonomia	Gaztela eta Leon
Probintzia	Leóngo probintzia
Udalerria	Leon
Koordenatuak	42°36′03″N 5°34′15″W
Historia eta erabilera
Irekiera	X. mendea
Izenaren jatorria	Isidoro Sibiliakoa
Erlijioa	katolizismoa
Elizbarrutia	Roman Catholic Diocese of León (en)
Arkitektura
Estiloa	arkitektura erromanikoa
Gizateriaren ondarea
Erreferentzia	669-1538
Eskualdea	Europa eta Ipar Amerika
Izen-ematea	bilkura)
BIC	RI-51-0000098
1538
Webgune ofiziala

Leongo San Isidoro errege basilika-kolegiata (gaztelaniaz: Real Basílica Colegiata de San Isidoro de León) Leóngo eliza erromanikoa da, XI. eta XII. mendeetan zehar eraikia. Isidoro Sibiliakoaren omenez egina, lehen bertan erromatar mausoleo bat eta San Pelaioren omenez egindako monasterio bat zeuden. Behealdean Leongo erregeen panteoia du.

Europako tenplu nabarmenen artean dago estilo honetan, "Kapera Sixtino" erromanikoa izena hartuta.

Erregeen Panteoia

Leongo Erresumako garaian, Fernando I.ak ("El Grande") eta Sanchak aginduta eraiki zuten panteoi hau, bertan 11 errege, 12 erregina, 10 infante, 9 konde eta hainbat noble lurperaturik daudela. Basilikaren beheko aldean dago kokatuta. Nabarmentzekoak dira kapitelak, irudikatzen dutenagatik eta estetika ederrarengatik.

Eszena nagusiak artzainen anuntziazioa, Afari Santua, gurutziltzaketa eta San Joanen apokalipsiarenak dira.

Sancha andrearen Ganbera

XI. mendean eginda, erabilera desberdinak eduki zuen areto honek historian zehar. Hormak fresko batzuekin apainduta daude, XVI. mendekoak.

Kalizaren aretoa

Bertan erakusgai dago agataz egindako kaliza, Fernando I.a erregearen alaba zen Urraca andreak eskainitako harribitxiez osatutakoa. Bertan, inskripzio bat irakur daiteke latinez: "In nomine domini Urraca Ferdinandi" (Jaunaren izenean, Urraca Fernandoren alaba).

Liburutegi pizkundetarra

Ondare oso zabala aterpetzen du bertako liburutegiak: X. mendetik XVIII.erako 2.000 liburuki inguru, 155 kodize eta 300 inkunable. Halaber, 1.050 liburu bakan daude, XVI eta XVIII. mendeen artean inprimatutakoak.

Ikus, gainera

• Erromanikoa Gaztela eta Leonen

Kanpo estekak

• (Gaztelaniaz)(Ingelesez)(Frantsesez)Kolegiata eta museoaren webgune ofiziala.

• Datuak: Q383659
• Multimedia: Real Basílica Colegiata of San Isidoro, León / Q383659