Nikolai Rimski-Korsakov

Nikolai Rimski-Korsakov
Irudi gehiago
Bizitza
Jaiotza	Tikhvin (en) , 1844ko martxoaren 6a (juliotar egutegia)
Herrialdea	Errusiar Inperioa
Lehen hizkuntza	errusiera
Heriotza	Lyubensk (en) , 1908ko ekainaren 21a (64 urte)
Hobiratze lekua	Tikhvin hilerria Novodevitxi hilerria
Heriotza modua	berezko heriotza: miokardio infartu akutua
Familia
Aita	Andrey Petrovich Rimskiy-Korsakov
Ama	Sofia Vasilievna Skaryatina
Ezkontidea(k)	Nadezhda Rimskaya-Korsakova
Seme-alabak	ikusi Andrey Rimsky-Korsakov Mikhail Rimsky-Korsakov (en) Vladimir Rimsky-Korsakov (en) Q124808633
Haurrideak	ikusi Voin Rimsky-Korsakov (en)
Familia	ikusi Irina Golovkina (en) (biloba)
Leinua	House of Rimsky-Korsakov (en)
Hezkuntza
Heziketa	Naval Cadet Corps (en) (1856 -
Hizkuntzak	errusiera
Irakaslea(k)	Mili Alekseievitx Balakirev
Ikaslea(k)	ikusi Igor Stravinski Anton Arensky Théodore Akimenko Alexander Gretchaninov (en) Petr Petrovich Evstafʹev (en) Yuliya Veysberg (en) Aleksandr Glazunov Mart Saar Mikhail Klimov (en) Nikolai Amani (en) Ivane Paliashvili (en) Meliton Balanchivadze Ottorino Respighi
Jarduerak
Jarduerak	musikagilea, orkestra zuzendaria, musikologoa, autobiografialaria, musika-irakaslea, musikaren teorikoa, unibertsitateko irakaslea, militarra eta libretista
Enplegatzailea(k)	San Petersburgoko Musika Kontserbatorioa
Lan nabarmenak	ikusi Scheherazade (en) Symphony No. 1 (en) The Golden Cockerel (en)
Kidetza	Bostak
Genero artistikoa	opera sinfonia musika klasikoa
Musika instrumentua	pianoa
Sinesmenak eta ideologia
Erlijioa	kristautasun ortodoxoa

Nikolai Andreievitx Rimski-Korsakov (Tikhvin, Errusiar Inperioa, 1844ko martxoaren 18a^greg./martxoaren 6a^jul. – Liubensk, Errusiar Inperioa, 1908ko ekainaren 21a^greg./ekainaren 8a^jul.) errusiar musikagile, orkestra-zuzendari eta pedagogoa izan zen, Bostak musikagile taldekoa.

Oso egile emankorra izan zen. Orkestrarako musika landu zuen bereziki eta maisuki ("Capriccio Espagnol" eta "Scheherazade").

Bizitza eta obra

1856. urtean San Petersburgoko itsasoko armadaren eskolan sartu zen.

1861. urtean Balakirev musikagilea ezagutu zuen eta musika ikasketak osatu zituen harekin. Urte berean Bosten Taldean sartu zen.

1871. urtean San Petersburgoko kontserbatorioko konposizio eta orkestrazio irakasle izendatu zuten. 1873. urtetik aurrera karrera militarra utzi eta musikari emana bizi izan zen; aldi berean Musorgskiren eta Borodinen lanak orkestrarako moldatu eta osatu zituen.

1886-1900. urteetan orkestra zuzendari gisa aritu zen, batik bat Parisen.

Rimski-Korsakovek ikasle ugari izan zituen, besteak beste: Liadov, Stravinski, Ippolitov-Ivanov, Miskovski, Prokofiev, Respighi eta Glazunov.

1883. urtean enperadorearen kaperako musika zuzendari izendatu zuten.

Rimski-Korsakoven obrak mendebaleko teknikak eta errusiar sena elkartzen ditu; musika tresnen laguntza, bestetik, aberastasun handiz erabiltzen du.

Rimski-Korsakoven lan nagusiak dira: operak: Ivan Izugarria (1868-1872); Maiatzeko gaua (1878); Elurrezko emaztegaia (1880-1881); Mlada (1889-1890); Sadko (1894-1896); Mozart eta Salieri (1897); Kitezen hiri ikustezinaren elezaharra (1903-1904); Urrezko oilarra (1907); orkestrarako, Sadko (1867); Espainiar kapritxoa (1887); Scheherezade (1888); ahotserako lan asko, pianorako kontzertuak, ganbera musika, 100 bat doinu eta 150 bat errusiar herri kantuen moldaketa.

Harmonia eta orkestrarako musikagintzari buruzko liburuak idatzi zituen.

Lan hautatuen zerrenda

Rimski-Korsakoven erretratua (Ilya Repin, 1893).

Opera

• "Kastxei hilezkorra"
• "Tsar Saltanen kondaira".
• "Tsarraren emaztegaia".
• "Maiatzeko gaua".
• "Elurraren Dontzeila".
• "Mlada".
• "Sadko".
• "Kitezh hiri ikusezinaren eta Fevronija dontzeilaren Elezaharra".

Orkestrarako

• "Capriccio Espagnol", Op. 34 (1887).
• "Errusiako Pazkoko Obertura", Op.36 (1887-1888).
• "Scheherazade" suite sinfonikoa, Op. 35 (1888).

Ikus, gainera

• Musika klasikoa

Wikimedia Commonsen badira fitxategi gehiago, gai hau dutenak: Nikolai Rimski-Korsakov

Erreferentziak

• Datuak: Q93227
• Multimedia: Nikolai Rimsky-Korsakov / Q93227