Mazedoniar Frontea

Mazedoniar frontea
Lehen Mundu Gerra
Frantziar Zouaveak Tesalonikan
Data	1915ko urriak 15 - 1918ko irailak 30
Lekua	Mazedonia
Emaitza	Ententearen garaipena Gerraren amaiera
Gudulariak
Alemaniar Inperioa Austria-Hungariako Inperioa Bulgaria Otomandar Inperioa (1916-1917) Frantzia Serbia Britainia Handia Greziako Erresuma (1917tik aurrera) Italiako Erresuma Errusiar Inperioa (1916-1917) Italiako Erresuma
Buruzagiak
August von Mackensen Otto von Below Friedrich von Scholtz Karl von Pflanzer-Baltin Nikola Zhekov Georgi Todorov Kliment Voyadzhiev Dimitar Geshov Nikola Zhekov Stefan Nerezov Abdul Kerim Pasha Maurice Sarrail Adolphe Gillaumat Louis Franchet D'Esperey Petar Bojović Živojin Mišić Bryan Mahon George Milne Panagiotis Danglis
Indarra
18.000 gizon 1.217 artileria 2.710 ametrailadore 30 aeroplano ezezagunak 550.000 gizon Otomandar Inperioa29.000 gizon (1916ko abendutik 1917ko maiatzera), 4.300 (1918ko maiatzera arte) 717.000 gizon guztira 2.609 artileria 2.682 ametrailadore 6.434 errifle automatiko 200 aeroplano
Galerak
200.000 gizon Frantzia 6.700 hil, 15.600 desagertu eta 16.200 zauritu Serbia 40.000 Britainia Handia 26.207 Greziako Erresuma 27.000 Italiako Erresuma 10.538 Errusiar Inperioa ezezagunak

Mazedoniar frontea, Salonikako frontea ere deitua (Tesalonika hiriaren izenean), Lehen Mundu Gerrako fronte militar bat izan zen. Frontea 1915ean ireki zen, Serbiako kanpainiaren porrota Aliatuaren ondoren. 1915ko urrian, austria-hungariar, alemaniar eta bulgariar aldi bereko erasoen ondorioz Serbiako Erresumaren unitateek kolapsatzeko zorian geratu ziren. Aliatuek (nagusiki Frantzia eta Britainia Handia), egoera larria ikusita, tropak bidali zituzten Tesalonikako portuaren bitartez, Greziako Erresuma neutrala bazen ere. Tropak beranduegi iritsi ziren, serbiar armada jada atzerakadan zegoenean guztiz, eta lerroa soilik Struma ibaian egonkortzea lortu zuten, Serbiako hegoaldeko mugan. Honekin, Montenegro eta Albaniaren zati oso bat Austria-Hungaria eta Bulgariaren eskuetan geratu zen. Frontea aldaketa nagusirik gabe jarraitu zuen 1918ra arte. Vardar ofentsibaren bitartez, irailak 15 eta 29 artean eman zena, frontea apurtzea lortu zen, eta handik gutxira Bulgariako Erresumaren armadak etsiturik errenditu ziren. Salonikako armistizioaren bitartez, 1918ko irailak 30ean sinatu zena, frontea desegin zen. Otomandarrak urriak 30ean kapitulatu zuten, eta handik iparrerantz bidea irekita geratu zen, Serbia, Albania eta Montenegro askatzeko.

Mazedoniar frontearen osaketa Greziako Zisma Nazionala areagotu zuen, errege eta presidentearen artean botere lehia zena, eta 1917an erregearen kanporaketarekin amaituko zen. Eleuterios Venizelosen agintaritzapean Grezia gerran sartu zen Aliatuen alde. Gertakizun honek Greko-Turkiar gerraren oinarriak finkatuko zituen.

Kanpo estekak

• Datuak: Q1262377
• Multimedia: Macedonian Front / Q1262377