Luis I.a Borboi-Condékoa

Luis I.a Borboi-Condékoa
	; Irudi gehiago
Bizitza
Jaiotza	Vendôme, 1530eko maiatzaren 7a
Herrialdea	Frantzia
Heriotza	Jarnac, 1569ko martxoaren 13a (38 urte)
Heriotza modua	giza hilketa: guduan hila
Hiltzailea	Joseph-François de Montesquiou (en)
Familia
Aita	Charles, Duke of Vendôme
Ama	Françoise d'Alençon
Ezkontidea(k)	Eléanore de Roye (en) (1551 (egutegi gregorianoa) - ; Francoise d'Orléans-Longueville (en) (1565eko azaroaren 8a (egutegi gregorianoa) -
Bikotekidea(k)	ikusi Isabelle de Limeuil (en) ;
Seme-alabak	ikusi Karlos Borboi-Soissonsekoa; Henrike I.a Borboi-Condékoa; Frantzisko I.a Contikoa; Charles II de Bourbon-Vendôme (en) ;
Haurrideak	ikusi Jean, Count of Soissons and Enghien (en) ; Antonio I.a Nafarroakoa; Karlos I.a Borboikoa; Francis, Count of Enghien (en) ; Marguerite de Vendôme (en) ; Mary of Bourbon (en) ; Éléonore de Bourbon (en) ;
Leinua	Borboi leinua
Hezkuntza
Hizkuntzak	frantses ertaina
Jarduerak
Jarduerak	politikaria eta militarra
Gradua	jeneral

Luis I.a Borboikoa (Vendôme, 1530eko maiatzak 7 – Jarnac, 1569ko martxoak 13), Condéko printzea, Borboi etxeko odolezko printzea izan zen, Frantziako lehenbiziko hiru erlijio gerretako buruzagi higanot garrantzitsuena, eta Borboi-Condé etxearen sortzailea.

Bizitza

Vendômeko dukea Karlos Borboikoaren bosgarren semea zen, eta Antonio Borboikoaren, Nafarroako erregina Joana III.a Albretekoaren senarraren, anaia.

Frantziako armadako jeneral zelarik, Luis Borboikoak Espainiaren aurka borrokatu zuen Metzeko (1552) eta San Quintingo (1557) guduetan. Protestante bihurtu ondoren, Amboiseko konjurazioan sartua egon zen, 1560an. Borboi etxeak eta buruzagi higanotek amaraundutako konspirazio honen helburua Frantzisko II.a Frantziakoa errege gaztea bahitzea zen, katoliko sutsuak eta erregeordetzaren jabe ziren Guisetarrei boterea kentzeko. Planak huts egin zuen eta higanoten aurkako sarraski bat izan zuen ondorio.

Frantziako Erlijio Gerretan higanoten buru izan zen eta 1562an Dreuxen harrapatua izan zen. Frantzisko Guisakoa Orleansen erahila izan ondoren, Katalina Medici erreginak bakea lortu nahi izan zuen. Luis Condékoak eta Anne Montmorencykoak izan zuten negoziazioen ardura. 1563ko martxoan erreginak Amboiseko bakea sinatu zuen, halako tolerantzia erlijiosoa ekarri zuena^[1]. Baina tolerantzia honek ez zuen askorik iraun eta 1567an hautsi zen. Luis Borboikoa, Jarnaceko guduan erahila izan zen, 1569an.

1551ko ekainaren 22an, Éléonore de Roye-rekin (1536-1564) ezkondu zen. Seme-alabak:
- Henrike I.a Borboi-Condékoa (1552-1588)
- Frantzisko I.a Contikoa (1558-1614)
- Karlos Borboikoa (1562-1594), Ruango kardenal-artzapezpikua
Alargundu ondoren, Françoise d'Orléans-Longueville-rekin ezkondu zen 1565eko azaroaren 8an. Seme-alabak:
- Karlos Borboi-Soissonsekoa (1566–1612)

Wikimedia Commonsen badira fitxategi gehiago, gai hau dutenak: Luis I.a Borboi-Condékoa

Aurrekoa
Titulu sortu berria

Condéko printzea
1546-1569

Ondorengoa
Henrike I.a Borboi-Condékoa