Irene Moray
Irene Moray | |
---|---|
![]() | |
Bizitza | |
Jaiotza | Bartzelona, 1992 (31/32 urte) |
Herrialdea | ![]() |
Bizilekua | Berlin |
Hezkuntza | |
Hizkuntzak | gaztelania |
Jarduerak | |
Jarduerak | argazkilaria, zinemagilea eta film-zuzendaria |
Lantokia(k) | Berlin |
Jasotako sariak | ikusi
|
irenemoray.com | |
![]() ![]() |
Irene Moray (Bartzelona, Katalunia, 1992) kataluniar zinema-argazkilaria eta zuzendaria da. 2020an, Espainiako Arte eta Zientzia Zinematografikoen Akademiak (AACCE) katalanez filmatutako Suc de síndria film laburra saritu zuen, Fikziozko film labur onenaren Goyarekin.
Biografia
[aldatu | aldatu iturburu kodea]Irene Moray Bartzelonan jaio zen, 1992an. Arte Ederretan matrikulatu zen, baina urtebete geroago ikasteari utzi zion. [1][2]
2012an, Berlinera joan zen, eta han zenbait lanpostu uztartu zituen (garbitzailea, galeria bateko harreragilea, zerbitzaria eta, azkenik, luxuzko denda bateko saltzailea). Hatxen hasi zen argazkiak doan egiten, ezagutzera emateko asmoz. Handik gutxira, argazkigintzan buru-belarri jardutea erabaki zuen. Gainera, Alemanian, hiru urtez, The – family performance taldeko kide izan zen. Talde horrekin hainbat kultur erakundetan aritu zen Europan zehar, hala nola, Osloko Astrup Fearnley Museumen edo Londresko Chisenhale Galleryn.[3]
Ibilbide profesionala
[aldatu | aldatu iturburu kodea]Berlingo bizipenetan oinarrituta sortu zen bere fikziozko lehen film laburra: Bad lesbian. Film labur onenaren saria irabazi zuen Alemaniako FiSH zuzendari gazteen jaialdian. Lehen film labur horrek beste sari batzuk ere lortu zituen, hala nola, Alcalá de Henaresko Zinema Jaialdiako (Alcine) ikusleen saria.
![](http://upload.wikimedia.org/wikipedia/commons/thumb/1/12/Premios_Goya_2020_-_Irene_Moray_y_Miriam_Port%C3%A9.jpg/193px-Premios_Goya_2020_-_Irene_Moray_y_Miriam_Port%C3%A9.jpg)
Alemanian lau urte eman ondoren, Bartzelonara itzuli zen, eta han Suc de Síndria filmatu zuen, ondoren Berlinale Shorts-en estreinatuta. Zinemagile lanaz gain, argazkilari lanak egiten ditu hainbat agentzia, ekoizle eta argitaletxetarako. Gainera, reiki terapeuta aritzen da.[4][5]
Goya eta aldarrikapena
[aldatu | aldatu iturburu kodea]2020ko urtarrilaren 25ean 34. Goya Sarien ekitaldian (Malaga) Miriam Portérekin batera jaso zuen Fikziozko Film Labur Onenaren saria Suc de Síndria filmearengatik. Clara Lagok eman zion saria. Filmak Pablo Barceren El nadador, Carlos Violadéren Foreigner eta Salvador Calvoren Maras gainditu zituen. Diskurtsoan, irabazleak sexu-indarkeriaz hitz egin zien bizirik atera zirenei, eta aldarrikatu zuen
"emakume horiek eskubidea dutela zarata egiteko, arrakasta izateko, bizitzan eta munduan lekua hartzeko, korrika egiteko eta haiek izan nahi duten pertsona izateko".[6]
Filmografia
[aldatu | aldatu iturburu kodea]Aktore
[aldatu | aldatu iturburu kodea]- 2018 - Bad lesbian
Zuzendari
[aldatu | aldatu iturburu kodea]- 2018 - Bad lesbian
- 2019 - Suc de síndria.
Argazkilari
[aldatu | aldatu iturburu kodea]- 2017 - Bulgariera
- 2017 - Snowflake
Sariak eta izendapenak
[aldatu | aldatu iturburu kodea]![El equipo de Suc de Síndria posando en la alfombra roja de los Premios Gaudí](http://upload.wikimedia.org/wikipedia/commons/thumb/4/42/Gerard_Marginedas%2C_Elena_Mart%C3%ADn%2C_Irene_Moray%2C_M%C3%ADriam_Port%C3%A9_i_Max_Grosse_%28Suc_de_s%C3%ADndria%29%2C_XII_Premis_Gaud%C3%AD_%282020%29.jpg/589px-Gerard_Marginedas%2C_Elena_Mart%C3%ADn%2C_Irene_Moray%2C_M%C3%ADriam_Port%C3%A9_i_Max_Grosse_%28Suc_de_s%C3%ADndria%29%2C_XII_Premis_Gaud%C3%AD_%282020%29.jpg)
Urtea | Kategoria | Filma | Emaitza |
---|---|---|---|
2020 | Film Labur Onena | Syndria suc | Irabazlea |
Beste sari eta izendapen batzuk
[aldatu | aldatu iturburu kodea]- 2019 - Berlingo Zinemaldia EFA Suc de síndria lanarengatik
- 2019 - European Film Awards film labur onenaren Nominazioa - Suc de Síndria lanarengatik
- 2019 - D'A Film Festival Sekzio Ofiziala - Laburmetraiak Suc de Síndria lanarengatik
- 2019 - Malagako Zinemaldian aktore onenaren saria, Suc de Síndria filmean
- 2019 - ALCINE Ikusleen Saria Bad Lesbian lanarengatik
- 2019 - Indielisboa Sekzio Ofiziala - Suc de síndria film laburararengatik
- 2019 - Londresko Zinemaldia Sekzio Ofizialeko film laburrak, Suc de Sindria filmarengatik
- 2019 - Las Palmasko Jaialdia Sekzio Ofiziala - Laburmetraiak Suc de Sindria filmagatik
- 2019 - Medina del Campoko Zinema Astea Suc de Síndria filmeko aktore onena
- 2020 - Gaudí sariak Laburmetraia Onena Suc de Síndria filmarengatik
Erreferentziak
[aldatu | aldatu iturburu kodea]- ↑ Loureda, Por Carlos. (19 de diciembre de 2019). «‘Suc de Síndria’, de Irene Moray, el mejor y más necesario cortometraje de 2019» Fotogramas.
- ↑ Tramullas, Gemma. (5 de febrero de 2019). «Irene Moray: "Hemos normalizado el no poder disfrutar del cuerpo"» elperiodico.
- ↑ Irene Moray en Filmin. .
- ↑ «Irene Moray» D'A.
- ↑ «Irene Moray» Mesala.
- ↑ «El discurso reivindicativo de Irene Moray en los Goya: “Las mujeres supervivientes tienen derecho a correrse”» La Vanguardia 26 de enero de 2020.
Kanpo estekak
[aldatu | aldatu iturburu kodea]- Irene Moray Internet Movie Databaseren webgunean (Ingelesez)
- Irene Morayren hitzaldia Goya 2020 Sarietan