Carlos Alcolea
Carlos Alcolea | |
---|---|
Bizitza | |
Jaiotzako izen-deiturak | Carlos García Alcolea |
Jaiotza | Coruña, 1949 |
Herrialdea | ![]() |
Heriotza | Madril, 1992ko irailaren 20a (42/43 urte) |
Hobiratze lekua | San Justoren hilerria |
Heriotza modua | : HIESarekin loturiko arazogatik hildakoa |
Hezkuntza | |
Hizkuntzak | gaztelania |
Jarduerak | |
Jarduerak | margolaria |
Jasotako sariak | ikusi
|
Izengoitia(k) | Carlos Alcolea |
Carlos García Alcolea —Carlos Alcolea izen-deiturez ezaguna— (Coruña, Galizia, 1949 – Madril, Espainia, 1992ko irailaren 20a) espainiar margolaria izan zen. Luis Gordilloren bideari jarraituz 1970-1980 hamarkadan garatu zen Madrilgo Figurazio Berriaren edota Laurogeiko Hamarkadako Pintura delako mugimenduaren kide izan zen.
1971n egin zuen lehen erakusketa Madrilgo Amadís galerian. Erakusketa hartan besteak beste Pierre Bonnard edo David Hockney artista zaharragoen lanetan inspiraturiko margolanak aurkeztu zituen. Alcolearen margolanak kolore distiratsuak eta dinamikotasun handia du, eta oso sortze-prozesu gogoetatsua islatzen du, formak eta marrazkia nagusi direla. Bere lan adierazgarrienen artean Biluzia eskaileratan behera (1976-1977), Matisse egunez, Matisse gauez (1977), edota igerilekuei buruzko oihal-sorta dira aipagarriak. Aprender a nadar (1980, Igeri egiten ikastea) saiakera idatzi zuen bere margolaritzari buruzko teorietan oinarrituta. 1992an, hil ondoren, Arte Ederretako Espainiako Saria eman zioten.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.