Biharko Egunaren Museoa

Biharko Egunaren Museoa
	Museu do Amanhã
	Irudi gehiago
Kokapena
Estatu burujabe	Brasil
Brasilgo unitate federatibo	Rio de Janeiroko estatua
Brasilgo udalerria	Rio de Janeiro
Koordenatuak	22°53′39″S 43°10′46″W / 22.89413°S 43.1794°W
Historia eta erabilera
Irekiera	2015eko abenduaren 17a
Inaugurazioa	2015eko abenduaren 17a
Jabea	municipal prefecture of Rio de Janeiro (en)
Kudeatzailea	municipal prefecture of Rio de Janeiro
Edukiera	300 gizaki
Arkitektura
Arkitektoa	Santiago Calatrava
Materiala(k)	beira, altzairua eta zurra
Estiloa	high-tech architecture (en)
Dimentsioak	18 () m ;
Solairuak	3
Azalera	15.000 m²
Zerbitzuak
Ondarea
Irekiera egunak	Thursday to Sunday (en)
Kontaktua
Helbidea	Praça Mauá, 1 - Centro. Rio de Janeiro, RJ 20081-240
E-posta	mailto:contato@museudoamanha.org.br
	Webgune ofiziala

Biharko Egunaren Museoa (portugesez: Museu do Amanhã) zientzia neofuturisten museo bat da, Rio de Janeiron (Brasil) kokatua. Santiago Calatrava espainiar arkitektoak diseinatu zuen, eta Maua kaian eraiki zen, itsasoaren ertzean.

Historia

Eraikuntza Rio de Janeiroko Udalak eta Roberto Marinho Fundazioak finantzatu zuten. 230 milioi erreal inguru kostatu zen (63,5 milioi euro, 2015eko balioan). Itsasoaren ertzean dago, denbora luzez guztiz utzita egondako portuaren eremu batean, gaur egun, berritzen ari baitira, bulego, apartamentu eta jatetxe eraikin berriekin.

Museoa 2015eko abenduaren 17an inauguratu zuten, Dilma Rousseff presidentea bertan zela.^[1] 2016ko Udako Olinpiar Jokoetarako hiriko portu eremua berritzeko proiektuaren parte egin zuen museoak.^[2]

Erakusketak eta izaera jasangarria

Erakusketa nagusia bost gune nagusitan dago banatuta: Kosmosa, Lurra, Antropozenoa, Bihar eta Orain, zenbait esperimentu eta esperientziaren bidez. Museoak zientzia eta diseinu berritzailea biltzen ditu hiri jasangarrietan jartzeko arreta gunea.^[2]

Eraikin konbentzionalagoekin alderatuta, diseinatzaileek diote % 40 energia gutxiago erabiltzen duela (kontsumitzen duen energiaren % 9 eguzki energia da), eta hozte sistemak Guanabarako badiako ur sakona erabiltzen du. Eraikinak dituen «eguzki arantzak» eta haizagailu formako argizuloa berariaz diseinatu ziren eraikina ingurumen baldintza aldakorretara egokitu zedin.^[1]

Museoa elkartuta dago Brasilgo unibertsitate nagusiekin eta nazioarteko erakunde zientifiko askorekin, eta denbora errealean lortzen ditu espazio agentziek eta Nazio Batuen Erakundeak klimaz eta populazioaz ematen dituen datuak.

Kontzeptua

Museoaren ideia nagusia da etorkizuna ez dagoela prest. «Biharko eguna» eraikuntza bat izan behar da, eta jendeak parte hartu behar du eraikuntza horretan, brasildar, herritar eta gizaki gisa. Beraz, ez da objektuak erakusten dituen museo bat, ideien museo bat baizik.^[2]

Zientzia museoen belaunaldi berrian sailkatzen da Biharko Egunaren Museoa, gure pentsamendua eraldatu nahi duten museoen artean, alegia, planeta honetako datozen berrogeita hamar urteei bizikidetza iraunkor eta harmoniatsu bat emateko.^[3]