Ana Adamuz

Ana Adamuz
	; Irudi gehiago
Bizitza
Jaiotza	Escañuela, 1886ko abenduaren 24a
Herrialdea	Espainia
Heriotza	Madril, 1971ko martxoaren 26a (84 urte)
Hobiratze lekua	La Almudenaren hilerria
Hezkuntza
Hizkuntzak	gaztelania
Jarduerak
Jarduerak	aktorea

Ana Adamuz (Escañuela, Jaén, 1886ko abenduaren 24a - Madril, 1971ko martxoaren 26a)^[1] jaendar aktorea izan zen.^[2]^[3]^[4]^[5]

Bizitza

Jaéneko Escañuela herrian jaio zen 1886an, eta Malaga hirian eman zuen gaztaroa. Oso gazterik hasi zen interpretazioaren munduan.^[6] Madrilen kokatu zenean, eszenan jardun zuen bete-betean, batez ere paper dramatikoak interpretatuz, genero komikoan ere aritu zen arren. Hasieran, Maria Guerrero eta Fernando Diaz de Mendozaren konpainian egin zuen lan, eta haiekin Francisco Villaespesaren El alcázar de las perlas (1911) estreinatu zuen.

Bere osotasun artistikoa XX. mendearen lehen herenean zabaldu zen eta, besteak beste, Jacinto Benaventeren lanak interpretatu zituen. Oscar Wilderen Un marido ideal eta Una mujer sin importancia lanak estreinatu zituen Espainian, biak 1917an. Eszenatokietan izandako beste garaipenen artean, La hija de la Dolores (1927), Prostitución (1933), biak Luis Fernández Ardavínenak (1929), El juicio de Mary Dugan (1929) Bayard Veillerrena; Cuando el trigo es verde(1949) Emlyn Williamena; Joaquín Dicentaren Madre Paz; Benaventeren La malquerida (1933), La infanzona (1948) eta Cuando los hijos de Eva no son los hijos de Adá; edo Álvarez Quintero anaien La calumniada (1919) eta El genio alegre ( 1954), azkena Pepita Serrador konpainiarekin.

Zineman oso ibilbide laburra egin zuen, bost filmetan baino ez zuen parte hartu eta: Currito de la Cruz (1926), La hermana San Sulpicio (1934) Florián Reyrena Imperio Argentinarekin, Currito de la Cruz lanaren (1936) soinu-bertsio berri bat, La Dolores (1940), Concha Piquerrekin eta Brindis a Manolete (1948).