Amy Macdonald
Amy Macdonald | |
---|---|
![]() (2018) | |
Bizitza | |
Jaiotzako izen-deiturak | Amy Elizabeth Macdonald |
Jaiotza | Bishopbriggs, 1987ko abuztuaren 25a (36 urte) |
Herrialdea | ![]() |
Hezkuntza | |
Heziketa | Bishopbriggs Academy (en) ![]() |
Hizkuntzak | ingelesa |
Jarduerak | |
Jarduerak | egile abeslaria, abeslaria, gitarra-jotzailea, musikaria eta animatzailea |
Altuera | 1,70 metro |
Jasotako sariak | ikusi
|
Genero artistikoa | soft rock Indie popa folk rock |
Ahots mota | kontraltoa |
Musika instrumentua | gitarra ahotsa |
Diskoetxea | Vertigo |
amymacdonald.co.uk | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Amy Elizabeth Macdonald (Bishopbriggs, 1987ko abuztuaren 25a) Eskoziako abeslari eta konposatzailea da. Bere musika ibilbidean zehar 12 milioi kopia baino gehiago saldu ditu eta aurreneko diskoko This Is the Life abestiak arrakasta itzela izan zuen.
Ibilbidea
[aldatu | aldatu iturburu kodea]Hasiera
[aldatu | aldatu iturburu kodea]Hamabi urte baino ez zituela Travis talde eskoziarra ikusi zuen T in the Park jaialdian Turn abestia jotzen eta aitaren gitarra hartu eta abestia ikasteari ekin zion[1]. Bere abestiak konposatzen hasi zen ondoren eta 15 urte zituela Glasgow hiriko tabernetan eta kafetegietan hasi zen jotzen[2]. Konposatu zuen aurreneko abestia "The Wall" izan zen[3]. NME musika aldizkariaren iragarki bati erantzunez CD demo bat bidali zuen eta Pete Wilkinson ekoizleak This Is the Life eta Mr. Rock n Roll abestiak entzun zituenean ikaragarriak iruditu zitzaizkion eta zortzi-bederatzi hilabete pasa zituen Macdonaldekin bere etxean demoak grabatzen. 2007. urtean Amy Macdonaldek Vertigo disketxearekin kontratua sinatu zuen.
This Is the Life (2007-2009)
[aldatu | aldatu iturburu kodea]2007an aurreneko diskoa plazaratu zuen This Is the Life ("Hau Da Bizitza") izenekoa. Arrakasta handia izan zuen, hiru milioi kopia saldu zituen eta Erresuma Batuan, Herbeheretan, Suitzan eta Danimarkan aurreneko postua eskuratu zuen[4]. Estatu Batuetako Billboard zerrendan ere diskoa 92. postuan gelditu zen 200-etik eta This Is the Life abestiak 25. lortu zuen. Platinozko diskoa lortu zuen Alemanian eta urrezkoa Belgikan eta Espainian. Tartan Clef Awards[5] eta Silver Clef Awards sarietan hasiberri onena izendatu zuten[6].
Disko horretako beste abesti batzuk Poison Prince eta Mr Rock n Roll izan ziren.
Hurrengo diskoak (2010-2018)
[aldatu | aldatu iturburu kodea]![](http://upload.wikimedia.org/wikipedia/commons/thumb/a/a3/20170706-Rudolstadt-Festival-Amy-Macdonald-5263.jpg/270px-20170706-Rudolstadt-Festival-Amy-Macdonald-5263.jpg)
2009an hasi zen bigarren diskoa prestatzen[7]. A Curious Thing izena jarri zion eta martxoaren 8an argitaratu zen[8]. The Love Love Tour izeneko kontzertu bira egin zue Erresuma Batuaz gain Europako beste hainbat hiritan ere. 2011n kontzertu biran grabaturiko zuzeneko disko bikoitza atera zuen[9].
2012an hirugarren diskoa atera zuen, Life in a Beautiful Light[10]. Diskoko hiru singleak Slow It Down, Pride eta 4th of July izan ziren. Pride ("Harrotasuna") abestiaren inspirazioa Eskoziako futbol selekzioaren partiden aurretik Flower of Scotland abestia interpretatzeak sortarazten zizkion sentimenduetan bilatu omen zuen[11].
2017an laugarren diskoa iritsi zen, Under Stars izenekoa[12], eta 2018an bere abesti onenekin osaturiko abesti bilduma plazaratu zuen, Woman of the World (The Best of 2007–2018)[13].
2020tik aurrera
[aldatu | aldatu iturburu kodea]2019an Europan zeharreko bira egin ondoren 2020ko apirilean bosgarren diskoa aterako zuela iragarri zuen. COVID-19 pandemiak eta giza urruntzeak eraginda A Piece of My Heart abestia kaleratu zuen. Uztailean hasi zen gainerako abestiak grabatzen eta 2020ko urriaren 30ean atera zuen The Human Demands izeneko diskoa[14].
Bizitza pertsonala
[aldatu | aldatu iturburu kodea]2008an Steve Lovell futbolariarekin bikotea osatu zuen eta batera bizi arren ez ziren inoiz ezkondu eta 2016an Richard Foster futbolariarekin hasi zen ateratzen. 2018an Las Vegas hirian ezkondu ziren[15].
Diskografia
[aldatu | aldatu iturburu kodea]Albumak
[aldatu | aldatu iturburu kodea]- This Is the Life (2007)
- A Curious Thing (2010)
- Life in a Beautiful Light (2012)
- Under Stars (2017)
- The Human Demands (2020)
Bildumak
[aldatu | aldatu iturburu kodea]- Love Love UK & European Arena Tour LIVE 2010 (2011) - zuzenekoa
- Woman of the World (The Best of 2007–2018) (2018)
Erreferentziak
[aldatu | aldatu iturburu kodea]- ↑ (Ingelesez) «Amy MacDonald: A Self-Taught Scot» NPR.org (Noiz kontsultatua: 2020-11-02).
- ↑ «Pick up an autographed Amy Macdonald album and guitar pick now! | Contest | Fun Stuff | MTV Asia» web.archive.org 2009-04-20 (Noiz kontsultatua: 2020-11-02).
- ↑ «The darling of airwaves; pop/classical Scottish singer-songwriter Amy MacDonald is at the Carling Academy Newcastle next week. Entertainment Editor GORDON BARR catches up with the teenager. - Free Online Library» www.thefreelibrary.com (Noiz kontsultatua: 2020-11-02).
- ↑ (Ingelesez) Lyons, Beverley. (2010-01-20). «Susan Boyle did not deserve a Brits nomination, insists Amy Macdonald» Daily Record (Noiz kontsultatua: 2020-11-02).
- ↑ (Ingelesez) «Home» dailyrecord (Noiz kontsultatua: 2020-11-02).
- ↑ «Amy MacDonald wins Newcomer | Silver Clef Awards» web.archive.org 2009-06-26 (Noiz kontsultatua: 2020-11-02).
- ↑ (Ingelesez) Kilkelly, Daniel. (2009-03-25). «MacDonald ready to work on new album» Digital Spy (Noiz kontsultatua: 2020-11-02).
- ↑ «Amy Macdonald: I'm not thinking about marriage yet because it would mean taking break from my career - The Daily Record» web.archive.org 2010-02-12 (Noiz kontsultatua: 2020-11-02).
- ↑ «Amy Macdonald - Love Love UK & European Arena Tour Live 2010 - swisscharts.com» swisscharts.com (Noiz kontsultatua: 2020-11-02).
- ↑ «Amy is Back! — News — Amy Macdonald» web.archive.org 2012-04-19 (Noiz kontsultatua: 2020-11-02).
- ↑ «Amy Macdonald - Flower Of Scotland (Scottish Anthem Live Hampden Park Glasgow 08-09-2012) - YouTube» www.youtube.com (Noiz kontsultatua: 2020-11-02).
- ↑ (Ingelesez) amymacdaily. (2016-06-15). «The 4th Album» Amy Macdonald Daily (Noiz kontsultatua: 2020-11-02).
- ↑ (Ingelesez) «Woman of the World (The Best of 2007 - 2018) by Amy Macdonald» Apple Music (Noiz kontsultatua: 2020-11-02).
- ↑ (Ingelesez) «Scottish Singer-songwriter Amy Macdonald On The Human Demands» Wonderland 2020-08-27 (Noiz kontsultatua: 2020-11-02).
- ↑ (Ingelesez) McStay, Kirsten. (2020-09-30). «Amy MacDonald shares marriage 'reality' as husband sends her demanding texts» Daily Record (Noiz kontsultatua: 2020-11-02).