Acanthocephala

Acanthocephala
Corynosoma wegeneri Irudi gehiago
Sailkapen zientifikoa
Goierreinua	Holozoa
Erreinua	Animalia
Azpierreinua	Bilateria
Filuma	Acanthocephala Kohlreuther, 1771
Klaseak
Archiacanthocephala Palaeacanthocephala Eoacanthocephala

Acanthocephala (greziarretik, Acanthus, adarra eta kephale, burua) har parasitoz osaturiko animalia phyllum bat da. Euren ezaugarri nagusia proboszi ebaginagarri arantzatsu bat dutela da. Ziklo biologiko oso konplexuak dituzte, hainbat ospedatzailerekin tartean, ornogabeak, arrainak, anfibioak, hegaztiak eta ugaztunak barne hartuz. Guztira 1.150 espezie inguru deskribatu dira.

Morfologia eta fisiologia

Liseriketa

Akantozefaloek ez dute ahorik elikagaiak barneratzeko, teniek bezala. Horregatik euren ospedatzailearen elikagaiak lortzeko larruazal oso finetik egiten dute. Euren liseriketa aparatua, beraz, oso sinplea da.

Proboszidea

Taldeari izena ematen dion ezaugarri nagusia buruaren bukaeran duten proboszi ebaginagarria da. Proboszide honek arantza ditu, ospedatzailearen mukosei heltzeko. Atseden egoeran daudenean proboszide hau boltsa baten barruan biltzen da.

Tamaina

Animalia hauen tamaina milimetro gutxi batzuetatik Gigantorhynchus gigasen 65 milimetroetararte doa.

Nerbio sistema

Proboszidearen atzean nerbioak ateratzen diren guruin zentral bat dute. Gainera alderik urrunenean guruin genital bat ere badute. Gainazalean papila ezberdinak dituzte.

Birsortzea

Akantozefaloak dioikoak dira. Arrek bi barrabil dituzte, bi tutu deferente, bi besikula seminal, bi guruin hazia bukatzeko eta zakil bat gorputzaren atzealdean. Emeek bi obario dituzte eta fekundazioa barruan gertatzen da. Enbrioiak umetokian gordetzen dira eta obiduktotik ateratzen dira. Enbrioiak, kanporatzerakoan, liseriketa tutura igarotzen dira eta kakaren bitartez kanporatzen dira.

Wikimedia Commonsen badira fitxategi gehiago, gai hau dutenak: Acanthocephala

• Datuak: Q178235
• Multimedia: Acanthocephala / Q178235
• Espezieak: Acanthocephala